"Qarabağ" bu transferi bitirir - İDDİA

Kipr təmsilçisi “Omoniya”nın üzvü Jali Mouaddibin “Qarabağ”a transferi artıq son mərhələyə çatıb.

Sport1.az xəbər verir ki, yerli mətbuat 25 yaşlı futbolçunun Azərbaycan klubu ilə razılıq əldə etməyə çox yaxın olduğunu yazır.

Mərakeş əsilli fransalı sol cinah oyunçusunun “Qarabağ”la ilkin anlaşması Kiprin aparıcı klublarını da hərəkətə keçirib. Onlar daxili çempionatda çıxış edən digər əsas oyunçuları itirməmək üçün təcili addımlar ataraq yeni transfer təklifləri hazırlayırlar.

Mouaddibin “Omoniya” ilə müqaviləsi mövsümün sonunda başa çatacaq. Bu səbəbdən futbolçu yayda “Qarabağ”a azad agent statusu ilə qoşula bilər.

Qeyd edək ki, Jali Mouaddib 2019-cu ildə Fransanın U-19 yığmasının şərəfini qoruyub.