Maskalanma uğursuz oldu: Məşqçinin “keşiş planı” ifşa edildi

İtaliyanın aşağı liqalarından birində qeyri-adi və eyni zamanda gülməli hadisə yaşanıb.

Sport1.az xəbər verir ki, regional çempionatın 9-cu divizionunda keçirilən qarşılaşmada “Qalyanyano” öz meydanında “Union Mulazzano” ilə üz-üzə gəlib. Qonaq komandanın baş məşqçisi Matteo Çiçeri cəza səbəbindən oyunu stadiondan izləmək hüququndan məhrum edilsə də, buna fərqli bir çıxış yolu tapıb. O, keşiş geyimində arenaya daxil olaraq diqqətdən yayınmağa nail olub.

Ancaq bu plan uzun çəkməyib. Bir müddət sonra onun kimliyi müəyyənləşdirilib və məsələ üzə çıxıb. İndi məşqçini intizam orqanları tərəfindən ağır cəza gözləyir. O, həm stadiona icazəsiz daxil olduğu, həm də oyun ərzində rəqib komandaya qarşı sərgilədiyi aqressiv davranışlara görə məsuliyyətə cəlb olunacaq.