
“Qalatasaray” klubunun sabiq qapıçısı Fernando Muslera 4 illik fasilədən sonra Uruqvay millisinin heyətinə qayıdıb.
Sport1.az xəbər verir ki, bu barədə Uruqvay Futbol Federasiyası məlumat yayıb.
Baş məşqçi Marselo Biyelsa İngiltərə və Əlcəzairlə keçiriləcək yoldaşlıq oyunları üçün heyətə Argentinanın “Estudiantes de la Plata” klubunda çıxış edən 39 yaşlı qolkiperi də daxil edilib.
Qeyd edək ki, 2009-cu ildə Uruqvay millisində debüt edən Muslera yığmada 133 oyuna çıxıb. O, 2010, 2014, 2018 və 2022-ci il dünya çempionatlarında iştirak edib.