"İmişli"nin futbolçusu "Qarabağ"a keçəcək?

“İmişli” klubunun qapıçısı Andrey Sinenkonun meneceri Dmitri Xlebosolov futbolçunun “Qarabağ”ın maraq dairəsinə düşdüyünü açıqlayıb.

Sport1.az-ın məlumatına görə, menecer bel.football saytına verdiyi müsahibədə belə bildirib:

“Statistik göstəricilərə nəzər salsaq, Andrey hazırda Azərbaycan çempionatının ən güclü qapıçılarından biri sayılır. Onun transferi ilə bağlı danışıqlar aparılması üçün “Qarabağ”ın heyət planlaşdırılmasında rol alan tanınmış menecerə icazə vermişəm. Mövsüm başa çatdıqdan sonra Andreyin karyerasında irəliləyiş üçün bütün mümkün variantları dəyərləndirəcəyik”.

28 yaşlı qolkiperin mövsümün sonunda klubunu dəyişmək ehtimalı yüksək qiymətləndirilir.