“ABŞ-ni boykot edəcəyik, amma...” – İrandan diqqətçəkən AÇIQLAMA

İran Futbol Federasiyası 2026-cı il dünya çempionatını boykot etməyi planlaşdırmır.

Sport1.az xəbər verir ki, qurumun prezidenti Mehdi Tac bu barədə açıqlama verib. O bildirib ki, milli komanda hazırda hazırlıq prosesini davam etdirir və qarşıdakı turnirdə iştirak məsələsi gündəmdədir:

“Yığma hazırda Türkiyədə toplanışdadır və iki yoxlama oyunu keçirəcək. ABŞ ilə bağlı mövqeyimiz ayrıdır, amma bu, dünya çempionatına aid deyil”.

Qeyd edək ki, DÇ-2026 11 iyun - 19 iyul tarixlərində ABŞ, Meksika və Kanadada təşkil olunacaq. Daha əvvəl federasiya rəhbərliyi turnirin ABŞ-dan alınması ilə bağlı təşəbbüs irəli sürsə də, FİFA oyunların keçirilmə məkanında dəyişiklik etməyəcəyini açıqlayıb.