Neymardan karyerası ilə bağlı etiraf

“Santos”un hücumçusu Neymar karyerası ilə bağlı diqqətçəkən açıqlama verib.

Sport1.az xəbər verir ki, braziliyalı futbolçu 2026-cı il dünya çempionatının onun üçün son mundial ola biləcəyini bildirib.

Neymar bu barədə şəxsi “YouTube” kanalında danışıb: “Bu, mənim son dünya çempionatım ola bilər. Hətta millidə son ilim olub-olmadığını da deyə bilmərəm. Karyeramın sonuna yaxınlaşdığımı başa düşürəm və bunu qəbul etməliyəm. Yaxınlarıma həmişə deyirəm ki, bacardığın qədər bu anlardan həzz al, çünki bir gün hər şey bitəcək”.

Qeyd edək ki, Braziliya millisinin baş məşqçisi Karlo Ançelotti hücumçunu qarşıdakı yoldaşlıq görüşləri üçün heyətə daxil etməyib. “Sambaçılar” martın 36-da Fransa, aprelin 1-də isə Xorvatiya yığmaları ilə üz-üzə gələcək.