Qurban Qurbanov və Bəhram Bağırzadə eyni süfrədə – iftar açdılar

Azərbaycanın əməkdar artisti,  aktyor Bəhram Bağırzadə “Qarabağ”ın baş məşqçisi Qurban Qurbanov ilə bir araya gəlib.

Sport1.az xəbər verir ki, tərəflər müqəddəs Ramazan ayı münasibətilə birlikdə iftar süfrəsində iştirak ediblər.

Görüşdə memarlar Nəriman İmaməliyev və İlqar İsbatov da yer alıb və axşam səmimi atmosferdə keçib.

Qeyd edək ki, Bəhram Bağırzadə bu görüşlə bağlı sosial şəbəkə hesabında təsirli fikirlər də bölüşüb. O, paylaşımında qeyd edib ki, bəzi insanlar var ki, onları nə etiketə, nə də təqvimə görə deyil, ürəkdən gəldiyi üçün dəvət edirsən. Xalq artisti bildirib ki, Ramazanın bu mübarək günlərində məhz belə insanlarla bir süfrəni bölüşmək onun üçün xüsusi anlam daşıyıb və bu cür görüşlər insanın ruhuna toxunan ən dəyərli anlardandır.