Neymardan millidən kənarda qalmasına münasibət

Uzun müddət Braziliya millisinin liderlərindən olan Neymar yığmaya çağırılmamasına münasibət bildirib.

Sport1.az xəbər verir ki, o, GE nəşrinə açıqlamasında deyib ki, bu qərardan məyus olsa da, ruhdan düşməyəcək:

“Milliyə çağırılmamağım məni məyus etdi və kədərləndirdi. Amma diqqətimi özümə cəmləmişəm. Məşqdən-məşqə, oyundan-oyuna daha yaxşı olmalıyam. Məqsədimə çatacam. Hələ dünya çempionatı üçün yekun heyət açıqlanmayıb”.

Qeyd edək ki, 79 qolla Braziliya millisində bütün zamanların ən çox qol vuran oyunçusu olan Neymar 2023-cü ilin oktyabr ayında sol dizində menisküs zədəsi aldığı vaxtdan bəri yığmada oynamayıb.