Məşhur klub Tite ilə yollarını ayırdı

Braziliyanın “Kruzeyro” klubu baş məşqçi Tite ilə yollarını ayırıb.

Sport1.az xəbər verir ki, bu barədə klubun mətbuat xidməti məlumat yayıb. Təcrübəli mütəxəssislə yanaşı, onun köməkçiləri Mateus Baçi, Vinisius Berqantin və fiziki hazırlıq üzrə məşqçi Fabio Mahseredjian da komandanı tərk ediblər.

Belo-Orizonte təmsilçisinin yeni baş məşqçisi vəzifəsinə isə Uesli Karvalyo gətirilib.

Qeyd edək ki, Tite 2025-ci ilin dekabrından “Kruzeyro”nun sükanı arxasında idi. Onun rəhbərliyi altında komanda 17 matç keçirib, 8 qələbə qazanıb, 3 dəfə heç-heçə edib və 6 görüşdə məğlub olub.

Braziliya A seriyasında isə 6 turdan sonra cəmi 3 xal toplayan kollektiv turnir cədvəlində 19-cu pillədə qərarlaşıb.

Xatırladaq ki, Tite məşqçilik karyerası ərzində bir sıra tanınmış klublarla yanaşı, Braziliya millisinin də baş məşqçisi olub.