"Real" "Bavariya"dan futbolçu almağa hazırlaşır

"Real" rəhbərliyi heyəti gücləndirmək üçün növbəti transfer hədəfini müəyyənləşdirib.

Sport1.az xəbər verir ki, "Bild" nəşrinin yaydığı məlumata görə, "kral klubu" "Bavariya"nın vingeri Maykl Olise ilə yaxından maraqlanır. Paytaxt təmsilçisinin prezidenti Florentino Peres fransalı futbolçunun oyununu yüksək qiymətləndirir və onun keçidi üçün 160 milyon avro ödəməyə hazırdır. Lakin Münhen klubu 24 yaşlı oyunçunu qarşıdakı yay transfer pəncərəsində satmağı planlaşdırmır.

Almaniya klubunda ikinci mövsümünü keçirən Olise bu müddət ərzində meydana çıxdığı 93 matçda 35 qol və 50 məhsuldar ötürmə ilə yadda qalıb.

Qeyd edək ki, "Bavariya" növbəti oyununu martın 18-də Çempionlar Liqası çərçivəsində "Atalanta"ya qarşı keçirəcək. Maykl Olise cəzalı olduğu üçün həmin qarşılaşmanı buraxmalı olacaq.