Flikin komandası Kroyffu geridə qoydu
“Barselona” İspaniya çempionatının 28-ci turunda “Sevilya” üzərində inamlı qələbə qazanaraq yeni göstərici ilə yadda qalıb.
Sport1.az xəbər verir ki, kataloniyalılar cari mövsümdə La Liqanın ilk 28 turunun hamısında rəqib qapısına yol tapmağı bacarıb. Bununla da komanda Yohan Kroyffun rəhbərliyi dövründə qeydə alınmış göstəricini geridə qoyub.
1991/1992 mövsümündə niderlandlı mütəxəssisin çalışdırdığı kollektiv 28 turdan sonra 57 qol vurmuşdu. Hazırkı heyət isə bu mərhələyə qədər rəqib qapılarından 77 dəfə top keçirib.
Qeyd edək ki, “Barselona” – “Sevilya” qarşılaşması meydan sahiblərinin 5:2 hesablı qələbəsi ilə yekunlaşıb. Klub tarixində bütün çempionat matçlarında qol vurmaq üzrə ən yaxşı nəticə isə 2012/2013 mövsümünə məxsusdur. Həmin mövsümdə kataloniyalılar turnirin bütün oyunlarında fərqlənməyi bacarmışdılar.
