AFFA iki hakimi bu müddətə cəzalandırdı
Misli Premyer Liqasının 21-ci turunun hakim təyinatları müəyyənləşib.
Ötən həftə keçirilən “Araz-Naxçıvan” – “Sumqayıt” oyununda yaşanan penalti epizodundan sonra həm baş hakim Elçin Məsiyev, həm də VAR hakimi Nicat İsmayıllı növbəti tur üçün təyinat almayıb. Redaksiyamıza daxil olan məlumata görə, hər iki hakimə 2 oyunluq cəza verilib.
Həmin qarşılaşmada Məsiyev əvvəlcə “Sumqayıt”ın xeyrinə penalti təyin etmiş, lakin VAR müdaxiləsindən sonra qərarını dəyişərək epizodu ləğv etmişdi. Matçdan sonra Hakimlər Komitəsi açıqlama yayaraq ilkin penalti qərarının düzgün olduğunu açıqlamışdı.
Beləliklə, meydanda əvvəl doğru qərarın verilməsi, sonradan dəyişdirilməsi və bunun rəsmi şəkildə səhv kimi qiymətləndirilməsi geniş müzakirələrə səbəb olmuşdu.
Hər iki hakimin növbəti turda siyahıda yer almaması məhz həmin epizodun nəticəsi kimi qiymətləndirilir.
NİHAT KƏRİMLİ
