Yazı / Manşet
17:06
5.04.2025
738
İntizamsız İntizam Komitəsi - ARAŞDIRMA
Azərbaycan Kubokunun yarımfinal mərhələsinin ilk görüşlərində maraqlı hadisələr yaşandı.
"Araz-Naxçıvan" - "Qarabağ" matçında Qurban Qurbanov penalti epizoduna etiraz edərək əlindəki planşeti təpik vuraraq sındırdı. "Neftçi" - "Sabah" matçından sonra qonaqların çalışdırıcısı Vasiliy Berezutski mətbuat konfransında VAR hakimini tənqid edərək zalı tərk etdi.
Bir çox media mənsubu gözləyirdi ki, AFFA İntizam Komitəsi hər iki şəxsi cəzalandıracaq. Lakin qurum bu addımı atmadı. Daha sonra həmkarlarımız İntizam Komitəsinin rəhbəri Erkin Hüseynova müraciət edərək cəzaların verilməməsinin səbəbini soruşub. Mən oxuduğum 2 fərqli açıqlamanı diqqətinizə çatdıracam.
Report İnformasiya Agentliyi planşetini sındıran Qurban Qurbanovun niyə cəzalandırılmadığını Erkin Hüseynovdan soruşub. Cavab belə olub:
"O, öz planşetini sındırıb. Təpiklə sındırdığı planşetin hissələri meydana düşsəydi, kiməsə dəysəydi, cəza veriləcəkdi. Heç kimə xətər yetirmədi, oyun dayanmadı, hakim tərəfindən sarı və ya qırmızı vərəqə də verilmədi. İntizam Komitəsi AFFA nümayəndəsi və referinin yazdıqlarına əsasən qərar çıxarır. Nəyə əsasən cəza verək? Apellyasiya şikayəti versəydilər, udacaqdılar. Bəzi şeylər var ki, cəza düşür, bəziləri isə düşmür. Biz İntizam Məcəlləsinə əsasən qərarları açıqlayırıq".
Gəlin, bu məsələni aydınlatmaq üçün İntizam Məcəlləsinə baxaq. Görək burada planşetin sındırılması ilə bağlı nəsə var? İntizam Məcəlləsinin 40-cı maddəsi olan Təcavüzkar davranışın 40.4-cü bəndində qeyd olunub:
"Rəqibin texniki zonası istiqamətində və yaxud azarkeşlərə, eləcə də meydana tərəf qəsdən hər hansı kənar əşya atmış futbolçu 2 oyun matçlardan kənarlaşdırılır və klub 2000 (2 min) cərimə edilir".
Qurban Qurbanov kənar əşyanı azarkeşlər istiqamətinə vurub? Əşya kiməsə dəyə bilərdi? Qəsdən edib? Təbii ki... Çünki Qurban Qurbanov yeriyəndə ayağı planşetə dəyməyib. Əlindəki əşyaya zərbə endirib. Bu hərəkət qəsdən edilmiş olur. Nə qaldı? Qurban Qurbanov futbolçu deyil? İntizam Məcəlləsində buna da yer verilib. Təcavüzkar davranış maddəsinin 40.11-ci bəndində deyilir:
"Analoji hadisələr rəsmi şəxslər tərəfindən törədildikdə, yuxarıda göstərilən cəzalar rəsmi şəxslər üçün futbolçulara verilən cəzadan 2 oyun, cərimələr isə 50 faiz artıq hesablanır".
Yəni, Qurban Qurbanov planşeti təpiklə vuraraq sındırdığı üçün 4 oyunluq cəzalanmalı, 3000 (3 min) cərimə edilməli idi. Amma İntizam Komitəsi bunu etmədi.
Keçək, ikinci məsələyə. Azərbaycan Kubokunun yarımfinalının ilk oyununda "Sabah" səfərdə "Neftçi"ni 2:1 hesabı ilə məğlub etdi. Oyundan sonra ancaq görüş haqda fikirlərini səsləndirən Vasiliy Berezutski mətbuat konfransını tərk edib:
"Uşaqlara afərin, yaxşı mübarizə apardılar. 11 nəfər futbolçuya və 3 hakimə qarşı mübarizə apardılar. Sanki VAR-da hakim yoxdur. Oyun barəsində bu qədər danışa bilərəm, vəssalam".
Bu məsələ ilə bağlı "Futbol+" qəzeti Erkin Hüseynovdan açıqlama alıb. İntizam Komitəsinin sədrinin cavabına baxın:
“Mənim işim həddən artıq çoxdur. Təkcə İntizam Komitəsinin sədri deyiləm, SOCAR-da da çalışıram. Hər sualı cavablamağa vaxtım yoxdur. İntizam Komitəsində verilən qərarların hər biri doğrudur. Həmin qərarlar da İntizam Məcəlləsində yer alıb. Hər şeyə görə cərimə verilmir. Baş məşqçi məcburdur ki, bir saat otursun, jurnalistlərin boş-boş suallarına cavab versin? Mən artıq yoruluram. İntizam Məcəlləsini əldə edin, baxın və konkret nə lazımdırsa, məktubla müraciət edin”.
Erkin müəllimin sözünə qulaq asaq. Görək, İntizam Məcəlləsində bu məsələ ilə bağlı nə var? Gəlin, 57-ci - Məşqçilərin mətbuat konfrans iştirakı maddəsinə nəzər yetirək. 57.2-ci bənddə deyilir:
"Mətbuat konfransında iştirak edən baş məşqçi hakimin idarəçiliyi haqda qeyri-etik ifadələr işlədərsə, hakimləri təhqir edər, böhtan atar və ya onları hədələyərsə, o matçlardan 2 oyun kənarlaşdırılır, klub 2000 (2 min) manat cərimələnir".
Berezutskinin açıqlamasında cəzalanmalı məqam var? Bəli. Berezutski deyib ki, bu gün futbolçuları "Neftçi"yə və 3 hakimə qarşı mübarizə apardılar. Yəni, hakimlər meydan sahiblərinə kömək edirdilər? Bu, böhtan deyil?
Erkin müəllim, İntizam Məcəlləsinə baxdıq. Gördük ki, Komitənin həm Qurban Qurbanova, həm də Vasiliy Berezutskiyə cəza verməyə gücü çatmayıb. Gördük ki, İntizam Komitəsi intizamsızlıq edib.
Sizin 2 işdə işləməyiniz bizim problemimiz deyil. Yorulursunuzsa, 1 yerdə çalışın. Ya İntizam Komitəsinə, ya da SOCAR-ın Sosial İnkişaf İdarəsinin Anbar Təsərrüfatı şöbəsinə rəislik edin. Amma bizə minnət vurmayın.
Futbolçular, məşqçilər intizamsızlıq edəndə sizin komitə onları cəzalandırır. Bəs İntizam Komitəsinin sədrini mediaya etik olmayan ifadələr səsləndirdiyi üçün kim cəzalandıracaq?
İLKİN SULTANLI
"Araz-Naxçıvan" - "Qarabağ" matçında Qurban Qurbanov penalti epizoduna etiraz edərək əlindəki planşeti təpik vuraraq sındırdı. "Neftçi" - "Sabah" matçından sonra qonaqların çalışdırıcısı Vasiliy Berezutski mətbuat konfransında VAR hakimini tənqid edərək zalı tərk etdi.
Bir çox media mənsubu gözləyirdi ki, AFFA İntizam Komitəsi hər iki şəxsi cəzalandıracaq. Lakin qurum bu addımı atmadı. Daha sonra həmkarlarımız İntizam Komitəsinin rəhbəri Erkin Hüseynova müraciət edərək cəzaların verilməməsinin səbəbini soruşub. Mən oxuduğum 2 fərqli açıqlamanı diqqətinizə çatdıracam.
Report İnformasiya Agentliyi planşetini sındıran Qurban Qurbanovun niyə cəzalandırılmadığını Erkin Hüseynovdan soruşub. Cavab belə olub:
"O, öz planşetini sındırıb. Təpiklə sındırdığı planşetin hissələri meydana düşsəydi, kiməsə dəysəydi, cəza veriləcəkdi. Heç kimə xətər yetirmədi, oyun dayanmadı, hakim tərəfindən sarı və ya qırmızı vərəqə də verilmədi. İntizam Komitəsi AFFA nümayəndəsi və referinin yazdıqlarına əsasən qərar çıxarır. Nəyə əsasən cəza verək? Apellyasiya şikayəti versəydilər, udacaqdılar. Bəzi şeylər var ki, cəza düşür, bəziləri isə düşmür. Biz İntizam Məcəlləsinə əsasən qərarları açıqlayırıq".
Gəlin, bu məsələni aydınlatmaq üçün İntizam Məcəlləsinə baxaq. Görək burada planşetin sındırılması ilə bağlı nəsə var? İntizam Məcəlləsinin 40-cı maddəsi olan Təcavüzkar davranışın 40.4-cü bəndində qeyd olunub:
"Rəqibin texniki zonası istiqamətində və yaxud azarkeşlərə, eləcə də meydana tərəf qəsdən hər hansı kənar əşya atmış futbolçu 2 oyun matçlardan kənarlaşdırılır və klub 2000 (2 min) cərimə edilir".
Qurban Qurbanov kənar əşyanı azarkeşlər istiqamətinə vurub? Əşya kiməsə dəyə bilərdi? Qəsdən edib? Təbii ki... Çünki Qurban Qurbanov yeriyəndə ayağı planşetə dəyməyib. Əlindəki əşyaya zərbə endirib. Bu hərəkət qəsdən edilmiş olur. Nə qaldı? Qurban Qurbanov futbolçu deyil? İntizam Məcəlləsində buna da yer verilib. Təcavüzkar davranış maddəsinin 40.11-ci bəndində deyilir:
"Analoji hadisələr rəsmi şəxslər tərəfindən törədildikdə, yuxarıda göstərilən cəzalar rəsmi şəxslər üçün futbolçulara verilən cəzadan 2 oyun, cərimələr isə 50 faiz artıq hesablanır".
Yəni, Qurban Qurbanov planşeti təpiklə vuraraq sındırdığı üçün 4 oyunluq cəzalanmalı, 3000 (3 min) cərimə edilməli idi. Amma İntizam Komitəsi bunu etmədi.
Keçək, ikinci məsələyə. Azərbaycan Kubokunun yarımfinalının ilk oyununda "Sabah" səfərdə "Neftçi"ni 2:1 hesabı ilə məğlub etdi. Oyundan sonra ancaq görüş haqda fikirlərini səsləndirən Vasiliy Berezutski mətbuat konfransını tərk edib:
"Uşaqlara afərin, yaxşı mübarizə apardılar. 11 nəfər futbolçuya və 3 hakimə qarşı mübarizə apardılar. Sanki VAR-da hakim yoxdur. Oyun barəsində bu qədər danışa bilərəm, vəssalam".
Bu məsələ ilə bağlı "Futbol+" qəzeti Erkin Hüseynovdan açıqlama alıb. İntizam Komitəsinin sədrinin cavabına baxın:
“Mənim işim həddən artıq çoxdur. Təkcə İntizam Komitəsinin sədri deyiləm, SOCAR-da da çalışıram. Hər sualı cavablamağa vaxtım yoxdur. İntizam Komitəsində verilən qərarların hər biri doğrudur. Həmin qərarlar da İntizam Məcəlləsində yer alıb. Hər şeyə görə cərimə verilmir. Baş məşqçi məcburdur ki, bir saat otursun, jurnalistlərin boş-boş suallarına cavab versin? Mən artıq yoruluram. İntizam Məcəlləsini əldə edin, baxın və konkret nə lazımdırsa, məktubla müraciət edin”.
Erkin müəllimin sözünə qulaq asaq. Görək, İntizam Məcəlləsində bu məsələ ilə bağlı nə var? Gəlin, 57-ci - Məşqçilərin mətbuat konfrans iştirakı maddəsinə nəzər yetirək. 57.2-ci bənddə deyilir:
"Mətbuat konfransında iştirak edən baş məşqçi hakimin idarəçiliyi haqda qeyri-etik ifadələr işlədərsə, hakimləri təhqir edər, böhtan atar və ya onları hədələyərsə, o matçlardan 2 oyun kənarlaşdırılır, klub 2000 (2 min) manat cərimələnir".
Berezutskinin açıqlamasında cəzalanmalı məqam var? Bəli. Berezutski deyib ki, bu gün futbolçuları "Neftçi"yə və 3 hakimə qarşı mübarizə apardılar. Yəni, hakimlər meydan sahiblərinə kömək edirdilər? Bu, böhtan deyil?
Erkin müəllim, İntizam Məcəlləsinə baxdıq. Gördük ki, Komitənin həm Qurban Qurbanova, həm də Vasiliy Berezutskiyə cəza verməyə gücü çatmayıb. Gördük ki, İntizam Komitəsi intizamsızlıq edib.
Sizin 2 işdə işləməyiniz bizim problemimiz deyil. Yorulursunuzsa, 1 yerdə çalışın. Ya İntizam Komitəsinə, ya da SOCAR-ın Sosial İnkişaf İdarəsinin Anbar Təsərrüfatı şöbəsinə rəislik edin. Amma bizə minnət vurmayın.
Futbolçular, məşqçilər intizamsızlıq edəndə sizin komitə onları cəzalandırır. Bəs İntizam Komitəsinin sədrini mediaya etik olmayan ifadələr səsləndirdiyi üçün kim cəzalandıracaq?
İLKİN SULTANLI
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.