Premyer Liqa / Manşet
13:23
25.02.2025
441
AFFA İntizam Komitəsi hüquqdan sui-istifadə edir - İDDİA
Xəbər verdiyimiz kimi, AFFA İntizam Komitəsi "Şamaxı" - "Turan Tovuz" oyunundan öncə paylaşılan bəyanata görə, qərb təmsilçisini 20 min manat cəzalandırıb.
Sport1.az xəbər verir ki, idman hüquqşünası Elcan Həsənli məsələ ilə bağlı şəxsi feysbuk hesabında paylaşım edib. Vəkil İntizam Komitəsinin qərarının əsassız olduğunu qeyd edib:
"Məsələ ilə bağlı hüquqi mövqeyimi bildirmək istərdim. Əvvəlcə AFFA-nın İntizam Məcəlləsinin 47-ci maddəsinə baxmaq lazımdır. Həmin maddə AFFA və PFL əməkdaşlarının şərəf və ləyaqətinin alçaldılması adlanır:
* 47.1. Əgər futbolçu geniş kütlə qarşısında və ya KİV-də AFFA və PFL əməkdaşlarının şərəf və ləyaqətini alçaldarsa və ya onları təhqir edərsə, həmin oyunçu 5 oyunluq matçlardan kənarlaşdırılır və klub 10000 (on min) manat məbləğində cərimə edilir.
* 47.2. Bu hərəkətləri rəsmi şəxs edərsə o, matçlardan 10 oyun kənarlaşdırılır və klub 20000 (iyirmi min) manat məbləğində cərimə edilir.
Maddənin məzmunundan da göründüyü kimi Turan Tovuz FK açıqlamasında AFFA və PFL əməkdaşlarının şərəf və ləyaqətinin alçaldılması ilə bağlı hər hansı ifadə yoxdur. Gəlin, "Turan Tovuz"un bəyanatına baxaq!
"Futbol ictimaiyyətinin diqqətinə! Bu gün Misli Premyer Liqasının 24-cü turu çərçivəsində, saat 14:30-da Şamaxı şəhər stadionunda “Şamaxı” - “Turan Tovuz” oyunun baş tutmalıdır. Ancaq hava şəraiti səbəb kimi göstərilərək oyunun canlı yayımının baş tutmayacağı və “VAR” ın olmayacağı dəqiqləşib. Bu səbəbdən klub olaraq rəsmi şəkildə oyunun təxirə salınması üçün Peşəkar Futbol Liqasına müraciət etmişik. Bir daha bəyan edirik ki, VAR sisteminin və canlı yayımın olmayacağı oyunun şəffaf keçiriləcəyinə dair şübhələrimiz var. Qeyd etmək istəyirik ki, bir neçə gün öncədən hava şəraitinin kəskin dəyişəcəyi haqda rəsmi proqnoz verilməsinə və bu haqda PFL-ə rəsmi məlumat verməyimizə baxmayaraq bu hadisələr baş vermişdir".
İntizam Komitəsi eyni zamanda qərarında İntizam Məcəlləsinin 2.4-cü maddəsinə istinad etmişdir. Həmin maddə də qeyd edilir ki, İntizam Komitəsi cəzanın növünü təyin edərkən yüngülləşdirici və ağırlaşdırıcı halları nəzərə ala bilər. Əgər müvafiq əsasnamə və reqlamentlərdə hər hansı bir məsələ üzrə qaydalar mövcud deyildirsə, onda İntizam Komitəsi hüquq və ədalət prinsiplərinə əsaslanaraq qərar qəbul etmək hüququna malikdir. Bu maddə ümumilikdə İntizam Komitəsinə çox geniş səlahiyyətlər vermişdir. Yəni, İntizam Komitəsi İntizam Məcəlləsində olmayan istənilən məsələ ilə bağlı qərar verə bilər. Təbii ki bu yolvərilməz və hüquqa uyğun olmayan bir əməldir. Hesab edirəm ki, bütün qayda pozuntuları İntizam Məcəlləsində öz əksini tapmalıdır. Klublar da əvvəlcədən bilməlidirlər ki, hansı əməli törətsələr, nə cəza onları gözləyir. Bu hal isə AFFA-nın İntizam Komitəsinin hüquqdan sui-istifadə etməsinə gətirib çıxarır. Təsəvvür edin, siz hansısa bir əməl törədirsiniz və o əməl İnzibati Xətalar Məcəlləsində nəzərdə tutulmamışdır. Lakin inzibati orqan sizi həmin əmələ görə istədiyi məbləğdə cərimə edir".
Sport1.az xəbər verir ki, idman hüquqşünası Elcan Həsənli məsələ ilə bağlı şəxsi feysbuk hesabında paylaşım edib. Vəkil İntizam Komitəsinin qərarının əsassız olduğunu qeyd edib:
"Məsələ ilə bağlı hüquqi mövqeyimi bildirmək istərdim. Əvvəlcə AFFA-nın İntizam Məcəlləsinin 47-ci maddəsinə baxmaq lazımdır. Həmin maddə AFFA və PFL əməkdaşlarının şərəf və ləyaqətinin alçaldılması adlanır:
* 47.1. Əgər futbolçu geniş kütlə qarşısında və ya KİV-də AFFA və PFL əməkdaşlarının şərəf və ləyaqətini alçaldarsa və ya onları təhqir edərsə, həmin oyunçu 5 oyunluq matçlardan kənarlaşdırılır və klub 10000 (on min) manat məbləğində cərimə edilir.
* 47.2. Bu hərəkətləri rəsmi şəxs edərsə o, matçlardan 10 oyun kənarlaşdırılır və klub 20000 (iyirmi min) manat məbləğində cərimə edilir.
Maddənin məzmunundan da göründüyü kimi Turan Tovuz FK açıqlamasında AFFA və PFL əməkdaşlarının şərəf və ləyaqətinin alçaldılması ilə bağlı hər hansı ifadə yoxdur. Gəlin, "Turan Tovuz"un bəyanatına baxaq!
"Futbol ictimaiyyətinin diqqətinə! Bu gün Misli Premyer Liqasının 24-cü turu çərçivəsində, saat 14:30-da Şamaxı şəhər stadionunda “Şamaxı” - “Turan Tovuz” oyunun baş tutmalıdır. Ancaq hava şəraiti səbəb kimi göstərilərək oyunun canlı yayımının baş tutmayacağı və “VAR” ın olmayacağı dəqiqləşib. Bu səbəbdən klub olaraq rəsmi şəkildə oyunun təxirə salınması üçün Peşəkar Futbol Liqasına müraciət etmişik. Bir daha bəyan edirik ki, VAR sisteminin və canlı yayımın olmayacağı oyunun şəffaf keçiriləcəyinə dair şübhələrimiz var. Qeyd etmək istəyirik ki, bir neçə gün öncədən hava şəraitinin kəskin dəyişəcəyi haqda rəsmi proqnoz verilməsinə və bu haqda PFL-ə rəsmi məlumat verməyimizə baxmayaraq bu hadisələr baş vermişdir".
İntizam Komitəsi eyni zamanda qərarında İntizam Məcəlləsinin 2.4-cü maddəsinə istinad etmişdir. Həmin maddə də qeyd edilir ki, İntizam Komitəsi cəzanın növünü təyin edərkən yüngülləşdirici və ağırlaşdırıcı halları nəzərə ala bilər. Əgər müvafiq əsasnamə və reqlamentlərdə hər hansı bir məsələ üzrə qaydalar mövcud deyildirsə, onda İntizam Komitəsi hüquq və ədalət prinsiplərinə əsaslanaraq qərar qəbul etmək hüququna malikdir. Bu maddə ümumilikdə İntizam Komitəsinə çox geniş səlahiyyətlər vermişdir. Yəni, İntizam Komitəsi İntizam Məcəlləsində olmayan istənilən məsələ ilə bağlı qərar verə bilər. Təbii ki bu yolvərilməz və hüquqa uyğun olmayan bir əməldir. Hesab edirəm ki, bütün qayda pozuntuları İntizam Məcəlləsində öz əksini tapmalıdır. Klublar da əvvəlcədən bilməlidirlər ki, hansı əməli törətsələr, nə cəza onları gözləyir. Bu hal isə AFFA-nın İntizam Komitəsinin hüquqdan sui-istifadə etməsinə gətirib çıxarır. Təsəvvür edin, siz hansısa bir əməl törədirsiniz və o əməl İnzibati Xətalar Məcəlləsində nəzərdə tutulmamışdır. Lakin inzibati orqan sizi həmin əmələ görə istədiyi məbləğdə cərimə edir".
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.