Futbol əfsanəsindən sevindirən paylaşım – FOTO

Braziliya futbolunun canlı əfsanəsi Roberto Karlos ürəyindən keçirdiyi əməliyyatdan sonra xəstəxanadan buraxılıb.

Sport1.az xəbər verir ki, bu barədə “Mundo Deportivo” nəşri məlumat yayıb. 52 yaşlı sabiq futbolçunun vəziyyətinin stabil olduğu bildirilir.

Roberto Karlos sosial şəbəkə hesabında əməliyyatı həyata keçirən həkimlərlə birlikdə fotosunu paylaşaraq tibbi heyətə təşəkkür edib.

Xatırladaq ki, dekabrın 31-də aparılan müayinələr zamanı sabiq futbolçunun ayağında tromb aşkarlanıb. Daha sonra keçirilən MRT müayinəsi ürəyin fəaliyyətində problem olduğunu üzə çıxarıb və bu səbəbdən o, əməliyyata alınıb. Əməliyyat gözləniləndən daha uzun çəkərək təxminən üç saat davam edib.