Millimizin üzvü İstanbul nəhənginin hədəfində – İDDİA

“Beşiktaş” Ozan Can Kökçünü transfer siyahısına daxil edib.

Sport1.az xəbər verir ki, Türkiyənin “Hürriyet” nəşrinin məlumatına görə, İstanbul təmsilçisi Azərbaycan millisinin yarımmüdafiəçisi ilə ciddi şəkildə maraqlanır.

Hazırda Niderlandın “Volendam” klubunda çıxış edən Ozan Canın da bu keçidə müsbət yanaşdığı bildirilir. Mənbələr futbolçunun karyerasını Türkiyədə davam etdirmək istədiyini vurğulayır.

Qeyd olunur ki, bu transfer ailə baxımından da Ozan Can üçün xüsusi əhəmiyyət daşıyır. Belə ki, onun kiçik qardaşı Orkun Kökçü də “Beşiktaş”ın formasını geyinir.

Xatırladaq ki, Ozan Can Kökçü Azərbaycan milli komandasının üzvüdür. O, indiyədək yığmamızın heyətində 14 oyunda meydana çıxıb.