Premyer Liqa klubları Sterlinqi istəyir

“Çelsi”nin yarımmüdafiəçisi Rahim Sterlinq yaxın vaxtlarda klubunu dəyişə bilər.

Sport1.az xəbər verir ki, bu barədə insayder Florian Plettenberq sosial şəbəkə hesabında məlumat yayıb. Mənbənin bildirdiyinə görə, Premyer Liqada çıxış edən iki klub – “Vest Hem” və “Fulhem” ingilis futbolçunu transfer siyahısına daxil edib.

Qeyd olunur ki, “Fulhem” üçün Sterlinq prioritet hədəf hesab olunur. “Vest Hem” də futbolçu ilə maraqlanır, lakin London təmsilçisi paralel olaraq bazardakı digər variantları da dəyərləndirir.

Onu da əlavə edək ki, Rahim Sterlinq cari mövsümdə hələlik heç bir oyunda meydana çıxmayıb. 29 yaşlı futbolçunun “Çelsi” ilə müqaviləsi 2027-ci ilin yayına qədər qüvvədədir.