“Tottenhem” hücumçusunu “Kristal Pelas”a göndərir

“Tottenhem” hücumçusu Brennan Consonun transferi ilə bağlı razılığa gəlib.

Sport1.az xəbər verir ki, insayder Fabritsio Romanonun məlumatına görə, London təmsilçisi uelsli futbolçunun “Kristal Pelas”a keçidi məsələsində qarşı tərəflə ümumi anlaşma əldə edib. Hazırda isə keçidin son detalları üzərində iş aparılır.

Məlumata görə, “Tottenhem” futbolçuya yeni klubu ilə şəxsi müqavilə şərtlərini müzakirə etməyə icazə verib.

Qeyd edək ki, Brennan Conson 2023-cü ildə “Nottingem Forest”dən 55 milyon avro qarşılığında transfer olunub. 24 yaşlı hücumçu 2025/26 mövsümündə 22 oyunda meydana çıxaraq 4 qol vurub. O, London klubunun heyətində ümumilikdə 106 matçda 27 qol və 18 məhsuldar ötürmə ilə yadda qalıb.