Ronaldo statistikası ilə təəccübləndirdi – 16 ilin seriyası qırıldı

“Əl-Nəsr”in hücumçusu Kriştiano Ronaldo 16 ildən sonra ilk dəfə bir təqvim ili ərzində het-trikə imza atmayıb.

Sport1.az xəbər verir ki, bu barədə “Sporx” nəşri məlumat yayıb. Sonuncu dəfə portuqaliyalı ulduzun bir il ərzində het-triksiz qalması 2009-cu ilə təsadüf etmişdi. Həmin vaxt Ronaldo “Real”ın formasını geyinirdi. 2025-ci ildə isə təcrübəli forvard bütün turnirlər üzrə 41 qol vurub.

Qeyd edək ki, dekabrın 28-də Kriştiano Ronaldo 2024/25 mövsümünün yekunlarına əsasən “Globe Soccer Awards” mükafatında Yaxın Şərqin ən yaxşı futbolçusu seçilib.

40 yaşlı hücumçu peşəkar karyerası ərzində ümumilikdə 1303 oyunda iştirak edib və 957 qol vurub. Bu qollardan 143-ü Portuqaliya millisinin heyətində qeydə alınıb.