Luis Enrike 2025-ci ildə hamını geridə qoydu

PSJ-nin baş məşqçisi Luis Enrike 2025-ci ilin ən yaxşı çalışdırıcısı seçilib.

Sport1.az xəbər verir ki, bu barədə X sosial şəbəkəsində fəaliyyət göstərən “Score 90” hesabı məlumat yayıb. Reytinqdə ikinci pillədə Mikel Arteta (“Arsenal”), üçüncü yerdə Vensan Kompani (“Bavariya”) qərarlaşıb. İlk beşliyi Xosep Qvardiola (“Mançester Siti”) və Hansi Flik (“Barselona”) tamamlayıb.

Qeyd edək ki, ötən mövsüm Enrikenin rəhbərliyi altında PSJ UEFA Çempionlar Liqasını, Fransa çempionatını, ölkə kubokunu və Superkuboku qazanıb. Bundan başqa, Paris təmsilçisi Klublararası Dünya Çempionatının finalına yüksəlib, UEFA Superkubokunu və Qitələrarası kuboku da əldə edib.