Azərbaycan kökləri olan tennisçi qərarını açıqladı
Rusiyalı tennisçi Anastasiya Həsənova Azərbaycanla bağlılığı və mümkün vətəndaşlıq dəyişikliyi məsələsinə münasibət bildirib.
Sport1.az xəbər verir ki, idmançının ata və baba tərəfi azərbaycanlı köklərə malikdir. Həsənova Rusiya mətbuatına açıqlamasında bu mövzuya aydınlıq gətirib.
Tennisçi bildirib ki, Azərbaycanla əlaqəsi daha çox ailə kökləri ilə bağlıdır və hazırda vətəndaşlığını dəyişmək niyyətində deyil:
“Azərbaycanla bağım əsasən köklərimdən qaynaqlanır. Azərbaycan diasporu mənimlə əlaqə saxlamışdı, amma söhbət vətəndaşlığın dəyişdirilməsindən getmirdi. Sadəcə, ehtiyac yaranacağı halda dəstək göstərməyə hazır olduqlarını bildirmişdilər. Azərbaycan Tennis Federasiyası da bir dəfə mənimlə əlaqə yaratmışdı. Lakin ortaq məxrəcə gələ bilmədik və əməkdaşlıq baş tutmadı. Hazırda vətəndaşlığı dəyişmək barədə düşünmürəm”.
