“İnter Mayami”nin futbolçusu: “Messini ilk dəfə görəndə az qala huşumu itirirdim”
“İnter Mayami”nin yarımmüdafiəçisi Yannik Brayt argentinalı ulduz Lionel Messi ilə ilk görüşünü xatırlayıb.
Sport1.az xəbər verir ki, futbolçu bu barədə “La Gazzetta dello Sport” nəşrinə müsahibəsində danışıb. Brayt dünya futbolunun canlı əfsanəsi ilə ilk təəssüratlarını gizlətməyib:
“Leo inanılmaz aurası olan, eyni zamanda çox təvazökar insandır. Onu ilk dəfə görəndə az qala huşumu itirirdim, halbuki gəlişinə əvvəlcədən psixoloji cəhətdən hazırlaşmağa çalışmışdım. Özünü tamamilə adi insan kimi aparırdı. Messi həm meydanda, həm də meydandan kənarda liderdir. Oyunlardan əvvəl bizi motivasiya etmək üçün həmişə düzgün sözləri tapır. Detallara qarşı demək olar ki, maniakal diqqəti olan nümunəvi peşəkardır. Sakit xarakterlidir, amma meydanda əsl canavara çevrilir”.
