Kroos DÇ-2026-nın favoritlərini açıqladı: Siyahıda sürpriz ad var
Almaniya millisinin sabiq yarımmüdafiəçisi Toni Kroos DÇ-2026-nın favoritləri barədə fikirlərini açıqlayıb.
Sport1.az xəbər verir ki, AS nəşrinə danışan veteran futbolçu turnirin əsas iddiaçıları sırasında bir neçə yığmanın adını çəkib:
“İspaniya, Portuqaliya, Fransa və Mərakeş əsas favoritlərdir. Braziliyadan danışmıram, amma onlar da favorit ola bilərlər.
Milli komanda ilə bağlı isə düşünürəm ki, həmişə iddialılar sırasına yaxındır, lakin onları əsas favoritlər sırasında görmürəm. Əminəm ki, 1/4 finala və ya yarımfinala qədər irəliləyə bilərlər, amma mənim fikrimcə, səviyyə bir qədər aşağıdır. Bununla belə, oyun ərzində hər şey dəyişə bilər”.
Qeyd edək ki, 2026-cı il mundialı ABŞ, Kanada və Meksikada keçiriləcək. Turnir iyunun 11-də başlayacaq və iyulun 19-dək davam edəcək.
