Məşhur qurum Rafael Ağayevlə bağlı paylaşım etdi

Dünya Karate Federasiyası (WKF) Rafael Ağayevlə bağlı paylaşım edib.

Sport1.az xəbər verir ki, qurum rəsmi instaqram hesabındakı postda azərbaycanlı ilə bağlı 8 maraqlı fakt qeyd olunub:

1. O, 4 mart 1985-ci ildə Sumqayıtda (Azərbaycan) anadan olub.

2. Şotokan növündə döyüşür.

3. 5 qat WKF dünya çempionudur. Fərdi dünya çempionatlarında ən çox qələbə qazanan karateçidir.

4. “Şərqin Panteri” ləqəbi ilə tanınır.

5. 11 dəfə Avropa Çempionatının qalibi olub.

6. 7 yaşında məşqlərə başlayıb. Buna futbolçu olan atasının və döyüş sənətləri ilə məşğul olan qardaşlarının təsiri olub; onlar Rafaelə idmana dərin sevgi aşılayıblar.

7. Anası onun intizamının və dəyərlərinin formalaşmasında mühüm rol oynayıb.

8. Ağayev Tokio-2020 Olimpiya Oyunlarında çıxış edərək kişilər arasında kumite −75 kq çəki dərəcəsində gümüş medal qazanıb.