Rauf Məmmədov 1 milyon avro mükafat fondu olan turnirdə 10-cu sıradadır

Dohada keçirilən rapid və blits üzrə Dünya Çempionatı davam edir.

Sport1.az xəbər verir ki, kişilərin turnirində doqquz turdan sonra Rauf Məmmədov 6,5 xal toplayıb. Azərbaycanlı şahmatçı hazırda ümumi cədvəldə 10-cı sırada yer alıb.

Qadınların turnirində səkkiz turdan sonra azərbaycanlı şahmatçılar arasında ən yaxşı nəticəni 5,5 xalla 21-ci yeri tutan Günay Məmmədzadə göstərir.

Ümumilikdə dünya çempionatında Azərbaycanı 17 şahmatçı təmsil edir. Kişilərin turnirində Şəhriyar Məmmədyarov, Teymur Rəcəbov, Eltac Səfərli, Rauf Məmmədov, Nicat Abbasov, Məhəmməd Muradlı, Xaqan Əhməd, Riad Səmədov və Murad İbrahimli çıxış edirlər. Qadınların yarışında isə Günay Məmmədzadə, Ülviyyə Fətəliyeva, Gülnar Məmmədova, Gövhər Beydullayeva, Xanım Balacayevə, Zeynəb Məmmədyarova, Türkan Məmmədyarova və Mələk İsmayıl iştirak edirlər.

Dohada dünya çempionatı dekabrın 30-dək davam edəcək, turnirin ümumi mükafat fondu isə 1 milyon ABŞ dollarıdır.