"Qarabağ" azarkeşlərinin diqqətinə: Klub açıqlama yaydı

Bizon Azərbaycan Kubokunun 1/8 final mərhələsində “Qarabağ”ın “Karvan-Yevlax”la keçirəcəyi oyunun biletləri bu gün saat 12:00-dan satışa çıxıb.

Sport1.az xəbər verir ki, bu barədə Ağdam təmsilçisinin mətbuat xidməti məlumat yayıb.

Biletlər həm iTicket.az üzərindən onlayn, həm də matç günü “Azersun Arena”nın kassalarında əldə oluna bilər. Qapıarxası və künc sektorları 3 manat, mərkəzi sektorlar 7 manat, VIP biletlər isə 15 manat qiymətlə satılır.

Qeyd edək ki, qarşılaşma sabah saat 19:00-da “Azersun Arena”da başlayacaq və azarkeşlər üçün qapılar start fitindən 90 dəqiqə əvvəl açılacaq.