"Bura xal qazanmaq üçün gəlmişdik" - "İMİŞLİ"NİN MÜDAFİƏÇİSİ

Misli Premyer Liqasının X turunda "İmişli" səfərdə "Qarabağ"a 2:0 hesabı ilə məğlub oldu.

Görüşdən sonra "pələnglər"in müdafiəçisi Dioqo Rollo Sport1.az saytına müsahibə verdi...

- Çempionatın liderinə qarşı uduzdunuz. Oyun haqda nə düşünürsən?
- İlk hissədə yaxşı oynadıq. Bir neçə şanslarımız var idi. Görüşün ikinci 45 dəqiqəsində oyuna yaxşı köklənə bilmədik. Onlar da bu vəziyyətdən yararlanaraq qapımıza yol tapdılar.

- Birinci hissədə xeyli şanslarınız oldu, ikinci yarıda birdən nə baş verdi?
Matçın əvvəllərində əla fürsətlərimiz oldu. Hətta penaltidən fərqlənmək kimi şansımız da var idi. Lakin bəxt gətirmədi.

- Bugünkü oyununuzdan razısınız?
- Yaxşı oyun göstərməyimizə rəğmən, bura xal qazanmaq üçün gəlmişdik. Təəsüf ki, alındıra bilmədik.

- Azərbaycan Çempionatının səviyyəsi haqda nə deyə bilərsən?
- Yüksək səviyyəli liqada mübarizə aparırıq. Çempionlar Liqasının əsas mərhələsində mübarizə aparan bir kollektivə qarşı oynamaq şansımız var. Bu bizim üçün müsbət amildir.

MİKAYIL HACIYEV