"Qarabağ"a nəyə qadir olduğumuzu göstərdik" - "Şamaxı"nın futbolçusu

Misli Premyer Liqasının IX turunda "Şamaxı" "Qarabağ"ın qonağı oldu.

Qarşılaşmada qolsuz heç-heçə qeydə alındı.

Oyundan sonra Şamaxı təmsilçisinin yarımmüdafiəçisi Alfons Msanqa Sport1.az saytına müsahibə verdi...

- Görüş haqda düşüncələrin nələrdir?
- Yaxşı matç idi. Əla oynadıq. “Qarabağ” böyük komandadır. Həm UEFA Çempionlar Liqasında, həm də Premyer Liqamızda sərgilədikləri oyun göz qabağındadır. Lakin biz qarşılaşmaya yaxşı hazırlaşmışdıq. "Qarabağ"a nəyə qadir olduğumuzu göstərdik.

- Ötən oyun autsayder “Kəpəz”ə uduzmağınıza baxmayaraq, bu gün lider “Qarabağ”dan 1 xal aldınız. Bunu necə izah edə bilərsən?
- Futbolda bəzən belə şeylər olur. Həmin görüş qırmızı vərəqəmiz olduğu üçün istədiyimiz oyunu oynaya bilmədik. Rəqib komanda isə bu vəziyyətdən yararlanaraq bizi məğlubiyyətə uğratdı.

- Bu gün qazandığınız bir xal sizin motivasiyanıza necə təsir etdi?
- Turnir cədvəlinin liderindən bir xal aldıq. Bu bizi daha da ruhlandırdı

- Komanda ilə bu mövsüm hədəfiniz nədir?
- Oyunlara yaxşı hazırlaşıb, xallar almağa fokuslanmışıq. Nəticəsini sonda görəcəyik.

MİKAYIL HACIYEV