Rikardo Fernandeş: "Fərqlənə bilərdik, alınmadı" - MÜSAHİBƏ

Misli Premyer Liqasının IX turunda "Qarabağ" evdə "Şamaxı" ilə heç-heçəyə razılaşdı.

Qarşılaşmadan sonra qonaq komandanın qapıçısı Rikardo Fernandeş Sport1.az saytına müsahibə verdi...

- Görüş haqda düşüncələrin nələrdir?
- Çətin oyun keçdi. Liqanın ən yaxşısına qarşı mübarizə apardıq. Şanssız anlarımız oldu. Fərqlənə bilərdik, alınmadı.

- Ötən matçda “Kəpəz”ə məğlub oldunuz. Bu gün amma turnir cədvəlinin liderindən xal ala bildiniz. Bunu necə izah edə bilərsən?
- Bizim güclü və döyüşkən kollektivimiz var. Bəzən pis vaxtlarımız olur. Bu gün yaxşı oyun göstərdik.

- Bu gün aldığınız nəticənin komanda ruhuna təsiri olduğunu düşünürsən?
- Deməzdim. Bu gün iki xal itirdik. Ötən həftə də 3 xal itirmişdik.

- Premyer Liqamızın ötən mövsümkü səviyyəsi ilə hazırki durumunu necə müqayisə edə bilərsən?
- İndi daha da çətindir. Komanda sayı 12-yə yüksəlib. Çempionatda mübarizə daha da artıb. Artıq avrokuboklara aparan yerlər üçün daha çox komanda döyüşür.

- Bu mövsüm çempionatda daha çox favorit olduğunu düşünürsən?
- Daha daha çox komanda var. Yaxşı büdcəli kollektivlər çoxdur.

- Ayxan Abbasovun Azərbaycan milli komandasının baş məşqçisi olması barədə nə düşünürsən?
- Biz onunla qürur duyuruq. Komandamız üzərində gördüyü əməyin nəticəsidir. İstər indi, istərsə də, ötən mövsüm olsun, özünü bir məşqçi kimi sübut etdi.

MİKAYIL HACIYEV