Röyal Nəcəfovdan iddialı açıqlama: "Asan təslim olmayacağıq"

Azərbaycan Kubokunda II təsnifat mərhələsinə yekun vuruldu.

Sport1.az xəbər verir ki, “Göygöl” – “Baku Sportinq” görüşündə Buzovna təmsilçisi (2:0) qələbə qazandı. Matçla bağlı Bakı klubunun oynayan məşqçisi Röyal Nəcəfov saytımıza fikirlərini açıqladı:

“II Liqa təmsiçisinə qarşı oynasaq da, görüşə ciddi hazılaşmışdıq. Məqsədimiz həm qələbə qazanmaq, həm də az şans qazanan oyunçularımıza şans vermək idi. Elə futbolçularımız var idi ki, bölgə klubu ilə matçda peşəkar karyeralarında ilk dəfə olaraq meydana çıxırdılar. Məqsədimiz həmin futbolçuları həm komandamıza, həm də futbolumuza qazandırmaqdır. Düşünürəm ki, layiqli qələbə qazanmaqla növbəti mərhələyə adladıq. 1/8 finalda güclü “Şamaxı” ilə qarşılaşacağıq. “Şirlər”in səviyyəsi, heyəti haqqında artıq danışmağa ehtiyac yoxdur. Elita klubuna qarşı layiqli mübarizə aparıb, asan təslim olmayacağıq”.

MİRZƏ S.