Kubok
15:56
31.10.2025
112
Bölgə təmsilçisinin baş məşqçisindən acı etiraf: "II Liqa klubunun kubokda hansı iddiası ola bilər?"
"Bizon Azərbaycan Kuboku"nda ll təsnifat mərhələsinin oyunları keçirildi.
Sport1.az xəbər verir ki, "Karvan-Yevlax" - "Şəki" görüşündə yevlaxlılar əlavə vaxtda əzmkar qələbə (3:1) qazandı.
Matçla bağlı bölgə təmsilçisinin baş məşqçisi Elvin Həsənov saytımıza açıqlamasında bunları söylədi:
"ll Liqa təmsilçisinin kubokda hansı iddiası ola bilər? Ən yaxşı halda bir-iki mərhələ keçmək və əzmkarlıq sərgiləmək. Buna rəğmən, oyuna ciddi hazırlaşmış, rəqibin güclü-zəif tərəflərini təhlil etmişdik. Yevlax təmsilçisi matça yaxşı başladı. Onlar təzyiq göstərməklə erkən qol vurdular. Bizim isə ilk yarıda cəmi 2 qol imkanımız oldu. Onlardab yararlana bilmədik. Buna rəğmən, son saniyəyə kimi xarakter sərgilədik və 90+8-ci dəqiqədə çoxlarının gözləmədiyi halda hesaba tarazlıq gətirdik. Matçın taleyini əlavə vaxta daşıdıq. Rəqibin heyətində 7-8 legioner var idi. Hesab 1:1 olandan sonra meydan sahibləri əsas heyət oyunçularını meydana buraxdı. Bu, işimizi çətinə saldı. Buna rəğmən, yenə xarakter göstərməyə davam etdik. Əlavə vaxtın ilk yarısında da dəqiqə baş ağrısı olduq. Amma ikinci yarıda yevlaxlılar iki qol vuraraq matçın taleyini həll etdilər. Hesab edirəm ki, yorğunluq, təcrübəsizlik və gücümüzün tükənməsi də oyuna təsirsiz ötüşmədi. ll Liqa klubu olaraq sensasiya etmək istəyirdik. Məğlub olsaq da, əzmkarlıq, döyüşkənliyimizlə sensasiya etdiyimizi düşünürəm. Bu matç çempionatdakı oyunlarımız üçün yaxşı motivasiya olacaq. Qarşımızda çempion olmaq hədəfi var və bütün diqqətimizi buna yönəldəcəyik".
MİRZƏ S.
Sport1.az xəbər verir ki, "Karvan-Yevlax" - "Şəki" görüşündə yevlaxlılar əlavə vaxtda əzmkar qələbə (3:1) qazandı.
Matçla bağlı bölgə təmsilçisinin baş məşqçisi Elvin Həsənov saytımıza açıqlamasında bunları söylədi:
"ll Liqa təmsilçisinin kubokda hansı iddiası ola bilər? Ən yaxşı halda bir-iki mərhələ keçmək və əzmkarlıq sərgiləmək. Buna rəğmən, oyuna ciddi hazırlaşmış, rəqibin güclü-zəif tərəflərini təhlil etmişdik. Yevlax təmsilçisi matça yaxşı başladı. Onlar təzyiq göstərməklə erkən qol vurdular. Bizim isə ilk yarıda cəmi 2 qol imkanımız oldu. Onlardab yararlana bilmədik. Buna rəğmən, son saniyəyə kimi xarakter sərgilədik və 90+8-ci dəqiqədə çoxlarının gözləmədiyi halda hesaba tarazlıq gətirdik. Matçın taleyini əlavə vaxta daşıdıq. Rəqibin heyətində 7-8 legioner var idi. Hesab 1:1 olandan sonra meydan sahibləri əsas heyət oyunçularını meydana buraxdı. Bu, işimizi çətinə saldı. Buna rəğmən, yenə xarakter göstərməyə davam etdik. Əlavə vaxtın ilk yarısında da dəqiqə baş ağrısı olduq. Amma ikinci yarıda yevlaxlılar iki qol vuraraq matçın taleyini həll etdilər. Hesab edirəm ki, yorğunluq, təcrübəsizlik və gücümüzün tükənməsi də oyuna təsirsiz ötüşmədi. ll Liqa klubu olaraq sensasiya etmək istəyirdik. Məğlub olsaq da, əzmkarlıq, döyüşkənliyimizlə sensasiya etdiyimizi düşünürəm. Bu matç çempionatdakı oyunlarımız üçün yaxşı motivasiya olacaq. Qarşımızda çempion olmaq hədəfi var və bütün diqqətimizi buna yönəldəcəyik".
MİRZƏ S.
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.