Tanınmış şirkət Azərbaycan Kubokunun sponsoru olmaq üçün bu qədər pul ödəyib - ÖZƏL

PFL və “Avrora Qrup” arasında əməkdaşlıq müqaviləsi imzalanıb.

Sport1.az xəbər verir ki, mühüm tədbirdə qurumun rəhbəri Elxan Səmədov, şirkətin prezidenti Ceyhun Abbasov, baş icraçı direktoru İlham Marufov, PFL-in media və marketinq direktoru Sənan Abdullayev, hər iki qurumun rəsmiləri, futbol ictimaiyyəti, media nümayəndələri iştirak ediblər.

Anlaşmaya əsasən, “Bizon” brendi Azərbaycan Kubokunun rəsmi titul sponsoru olacaq. Yarış bundan sonra “Bizon Azərbaycan Kuboku” adı ilə keçiriləcək.

Redaksiyamıza tərəflər arasında bağlanan müqavilənin şərtləri ilə bağlı informasiya daxil olub. Anlaşmaya əsasən, şirkət 2025/26 mövsümündə Azərbaycan Kubokunun titul sponsoru olması üçün 70 min manat ödəyib.

Məsələ ilə bağlı hər iki tərəfin fikirlərini işıqlandırmağa hazırıq.