Son çempion “Qarabağ” “Zirə”yə qarşı – AFİŞA

Misli Premyer Liqasında IV tura start verilir.

Bu gün “Qarabağ” “Azərsun Arena”da “Zirə”ni qəbul edəcək. Bu mövsüm də çempionluğa əsas namizəd olan “köhlən atlar” matçın əsas favoritidir. Lakin qonaq komandanın da son 2 mövsümdə liqanın gümüş mükafatçısı olması və hazırda turnir cədvəlinin lideri olması faktını nəzərə alsaq, qarşılaşmanın Ağdam təmsilçisi üçün elə də asan keçməyəcəyini deyə bilərik.

Heyətləri müqayisə etsək, təcrübə və dərinlik baxımından “Qarabağ” üstündür. Lakin ağdamlıların qarşıda “Benfika” səfəri olması, baş məşqçi Qurban Qurbanovun bu gün meydana optimal heyət çıxarmasına şübhə doğurur.

Komandalar ümumilikdə 41 dəfə qarşılaşıb. Bu görüşlərin 28-i “Qarabağ”ın qələbəsi, 11-i heç-heçə, 2-si isə “Zirə”nin qələbəsi ilə başa çatıb. Top fərqində ağdamlılar üstündür - 87:26

Qeyd edək ki, komandaların arasında ilk oyun 2015-ci ilin oktyabrın 17-sində baş tutub.

Matçın baş hakimi Rəşad Əhmədov olacaq.

Misli Premyer Liqası, I dövrə, 4-cü tur

“Qarabağ” – “Zirə”

Hakimlər: Tərlan Talıbzadə, Teymur Teymurov, Elvin Bayramov
VAR hakimi: Nicat İsmayıllı
VAR hakiminin köməkçisi: Əli Əliyev
Hakim-inspektor: Ramil Diniyev
AFFA nümayəndəsi: Məmmədəli Məmmədov

Bakı.Azersun Arena. Saat 20:00

Sport1.az