"Araz-Naxçıvan" "Qəbələ"yə qalib gəldi, "Zirə"dən darmadağın - YENİLƏNİB

Misli Premyer Liqasında 3-cü tur davam edir.

Sport1.az xəbər verir ki, ikinci oyun günündə daha 2 matçdan 1-i keçirilib.

Əvvəlcə “Zirə” öz meydanında “Kəpəz”i qəbul edib. Görüş meydan sahiblərinin 5:0 hesablı qələbəsi ilə başa çatıb.

Bununla da paytaxt təmsilçisi 7 xalla 1-ci pillədə qərarlaşıb. İlk üç matçda uduzan “Kəpəz” isə hələlik xala həsrətdir.

Günün ikinci qarşılaşmasında “Araz-Naxçıvan” “Qəbələ”ni qəbul edib. Matç Naxçıvan təmsilçisinin 2:1 hesablı qələbəsi ilə başa çatıb.

Beləliklə, Elmar Baxşıyevin komandası da xal sayını 7-yə çatdıraraq "Zirə" və "Sumqayıt"a liderlikdə şərik olub. 2 turdan sonra aktivində 1 xal olan “Qəbələ” isə 9-cu pillədə qərarlaşıb.

30 avqust (şənbə)

20:30. “Araz-Naxçıvan” - “Qəbələ” - 2:1

Qollar: Adriel Ba Loua, 9 (0:1), Ba-Muaka Simakala, 30 (1:1), Felipe Santos, 33 (2:1)

Hakimlər: Elçin Məsiyev, Elşad Abdullayev, Pərvin Talıbov, Əli Əliyev
VAR: Rauf Cabarov
AVAR: Kamran Bayramov
“Liv Bona Dea Arena”

18:00. “Zirə” - “Kəpəz” - 5:0

Qollar: Qismət Alıyev, 13, İssa Cibrila, 32, Martins Junior, 37, Yeqor Boqomolski, 71, Davit Volkov, 84
Hakimlər: Kamranbəy Rəhimov, Asiman Əzizli, Eyyub İbrahimov, Tural Qurbanov
VAR: Cavid Cəlilov
AVAR: Müslüm Əliyev
Zirə İK stadionu