Samir Abasov: “Bugünkü oyun bizim üçün ümiddir”

Bu gün Misli Premyer Liqasında 3-cü turu çərçivəsində “Neftçi” və “Turan Tovuz” klubları üz-üzə gəlib.

Sport1.az xəbər verir ki, Bu matçda isə qonaqlar "Neftçi"ni 1:0 hesabı ilə məğlub edib. Oyundan sonra keçirilən mətbuat konfransında "Neftçi"nin baş məşqçisi Samir Abasov görüşlə bağlı fikirlərini bölüşüb:

"İmkanlarımız oldu, təəssüf ki, bəxtimiz gətirmir. Əvvəlki oyunda da 100 faizlik epizodları dəyərləndir bilməmişdik. Bundan öncəki matçlara baxanda bu gün daha dinamik idik. İlk dəqiqədən qələbə üçün çalışdıq. Planlarımız rəqibin qoluyla pozuldu. Futbolçular həddən artıq arzulu idi ki, qol vursun. İkinci hissədə də aldığımız qırmızı vərəqə daha bir zərbə oldu. Azlıqda olsaq da, təzyiq etdik, çalışdıq. Əfsuslar olsun, bu gün qapımızda epizod görmədən uduzduq. Futbolçulara təşəkkür edirəm, dinamik oynadılar, istəkli idilər. Əlbəttə, səhvlər, tələskənlikdən irəli gələn səhvlər olacaq. Yaxşı işlər görməyə qadirik. Futbolçulardan bu siqnalı gördüm. Qapıçının səhvi var idi. Lakin bir səhvlə kimisə silmək olmaz. Hamı səhv edə bilər. Kenanın yanındayıq. İnanıram ki, təcrübəsi bizə kömək olacaq. Bu gün mövzu hansısa oyunçunu cəzalandırmaq deyil".