Premyer Liqa / Manşet
13:21
20.08.2025
241
Fariz Yusifov: “Əliyar Ağayev son 10 ildə yetişən ən istedadlı hakimimizdir” - AÇIQLAMA
2024/25 mövsümünün “ən yaxşı hakimi” adına Əliyar Ağayev layiq görüldü.
FİFA referisi Premyer Liqa iştirakçılarının baş məşqçilərinin, kapitanlarının səsverməsi nəticəsində bu mükafata sahib oldu.
Əliyar Ağayev bu ada layiq idi? Sualımızı veteran hakim Fariz Yusifova ünvanladıq. Mütəxəssis mövzu ilə bağlı Sport1.az-a açıqlamasında bunları söylədi:
“Keçən mövsüm Əliyar Ağayev özünü yaxşı tərəfdən göstərdi. Cəmi bir çempionat matçında balaca nöqsanı oldu. O da qabardılası bir şey deyildi. Qiymətləndirməsi də 7,9 idi. Əliyar çempionatı stabil keçirdi. Hələ mən hakimlik etdiyim vaxtlardan, gəncliyindən onu tanıyıram. Əliyar mənim yanımda böyüyüb. Çox vaxt bizimlə birgə təyinat alır və 4-cü hakim olurdu. Həmişə də məndən və digər təcrübəli referilərdən məsləhətlər alar, daim üzərində işləyər və savadını artırmaq üçün əlindən gələni edərdi. Bilirsiniz, Azərbaycanın futbol hakimliyi məktəbi dünya üzrə tanınır. Bizim Tofiq Bəhramov kimi əfsanəmiz var. İstedadlı referilərin yetişməsi gözləniləndir. Hər birimizin müəyyən hakimlik illəri olub. Hər dövrün öz qanun-qaydaları olub. Əliyar Ağayev son 10 ildə yetişən ən istedadlı hakimimizdir. Düzdür, son vaxtlar Elçin Məsiyevdə də hərəkətlilik, inkişaf görürük. UEFA-dan da təyinatlar alır. Amma onun Əliyar səviyyəsinə çatmasına hələ çox var. Bəzən onun idarəçiliyinə nəzər yetirəndə, özümdəki hakimliyə baxışı hiss edirəm. Əliyar həm tərbiyəsi, həm qanacağı, həm də mərifəti ilə bütün hakimlərdən seçilib. Xülasə, Əliyarın “ən yaxşı hakim” və köməkçisi Zeynal Zeynalovun “ən yaxşı laysman” adına layiq görülməsi təqdirə layiqdir. Onlar bunu əziyyətləri və obyektiv idarəçilikləri ilə qazanıblar. Əliyar Ağayevin bu qədər uğur qazanmasında az da olsa mənim də zəhmətim var. O, hər bir zirvəni fəth edəndə özümü xoşbəxt hesab edirəm”.
MİRZƏ S.
FİFA referisi Premyer Liqa iştirakçılarının baş məşqçilərinin, kapitanlarının səsverməsi nəticəsində bu mükafata sahib oldu.
Əliyar Ağayev bu ada layiq idi? Sualımızı veteran hakim Fariz Yusifova ünvanladıq. Mütəxəssis mövzu ilə bağlı Sport1.az-a açıqlamasında bunları söylədi:
“Keçən mövsüm Əliyar Ağayev özünü yaxşı tərəfdən göstərdi. Cəmi bir çempionat matçında balaca nöqsanı oldu. O da qabardılası bir şey deyildi. Qiymətləndirməsi də 7,9 idi. Əliyar çempionatı stabil keçirdi. Hələ mən hakimlik etdiyim vaxtlardan, gəncliyindən onu tanıyıram. Əliyar mənim yanımda böyüyüb. Çox vaxt bizimlə birgə təyinat alır və 4-cü hakim olurdu. Həmişə də məndən və digər təcrübəli referilərdən məsləhətlər alar, daim üzərində işləyər və savadını artırmaq üçün əlindən gələni edərdi. Bilirsiniz, Azərbaycanın futbol hakimliyi məktəbi dünya üzrə tanınır. Bizim Tofiq Bəhramov kimi əfsanəmiz var. İstedadlı referilərin yetişməsi gözləniləndir. Hər birimizin müəyyən hakimlik illəri olub. Hər dövrün öz qanun-qaydaları olub. Əliyar Ağayev son 10 ildə yetişən ən istedadlı hakimimizdir. Düzdür, son vaxtlar Elçin Məsiyevdə də hərəkətlilik, inkişaf görürük. UEFA-dan da təyinatlar alır. Amma onun Əliyar səviyyəsinə çatmasına hələ çox var. Bəzən onun idarəçiliyinə nəzər yetirəndə, özümdəki hakimliyə baxışı hiss edirəm. Əliyar həm tərbiyəsi, həm qanacağı, həm də mərifəti ilə bütün hakimlərdən seçilib. Xülasə, Əliyarın “ən yaxşı hakim” və köməkçisi Zeynal Zeynalovun “ən yaxşı laysman” adına layiq görülməsi təqdirə layiqdir. Onlar bunu əziyyətləri və obyektiv idarəçilikləri ilə qazanıblar. Əliyar Ağayevin bu qədər uğur qazanmasında az da olsa mənim də zəhmətim var. O, hər bir zirvəni fəth edəndə özümü xoşbəxt hesab edirəm”.
MİRZƏ S.
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.