Premyer Liqa / Manşet
13:24
16.08.2025
288
Əcnəbi mütəxəssislərin dueli - AFİŞA
Bu gün Misli Premyer Liqasının 2025/26 mövsümünün ilk turunda növbəti qarşılaşmalar keçiriləcək.
Günün ilk oyunda "İmişli" Şamaxıda "Turan Tovuz"u qəbul edəcək. Əcnəbi mütəxəssislərin çalışdırdığı komandaların duelində favoriti Qərb təmsilçisidir. Ötən mövsüm Premyer Liqada 4-cü yerdə qərarlaşan “boz qurd” cari “futbol ili”ndə maksimum nəticə üçün mübarizə apacaq. Hər halda, klubun prezidentinin açıqlamasına inansaq, “Turan Tovuz” çempionluğa oynayır.
"İmişli" isə bu oyunda rəqibinə sürpriz yaşada bilər. “Pambıqçılar”ın hədəfi Premyer Liqada ilk “8-lik”də qərarlaşmaqdır. Bu səbəbdən də komanda çempionata marafona uğurlu başlamalıdır.
Heyət baxımından hansısa komandanı üstün görmək düzgün olmaz. Hər iki kollektiv yay "transfer pəncərəsi"ndə olduqca fəal oldular. Bölgə təmsilçilərinin heyətlərinə yaxşı oyunçular qatdılarını açıq-aşkar söyləyə bilərik.
Oyunun nəticəsinə məşqçi amili təsir edə bilər. “Turan Tovuz” çalışdırıcısı Kurban Berdiyev təcrübəli mütəxəssisdir. Məşqçi artıq ikinci mövsümdür ki, burada çalışır. “Baba” ləqəbli mütəxəssis klub rəhbərliyinin iddiasından xəbərdardır. Qərb təmsilçisi bu mövsüm avrokuboklara vəsiqə qazanmasa, türkmən məşqçi üçün işlər qaydasında getməyəcək.
“İmişli”nin çalışdırıcısı Jorj Kaskilya isə özünü isbat etmək istəyir. Portuqaliyalını indiki məqamda Berdiyevlə müqayisə etmək düzgün deyil. Məşqçi Premyer Liqada debüt matçında uğurlu nəticə əldə etməyə çalışacaq. Həm mediada, həm də ictimaiyyətdə Jorj Kaskilyanın təyinatına isti yanaşılmadı. Bir çoxları portuqaliyanın “İmişli”də uğursuz olacağını düşünür. Jorj Kasilkaya “Turan Tovuz”la oyunda bunun əksini sübut etməyə çalışacaq.
Maraq üçün bildirək ki, bu kollektivlər indiyə kimi Premyer Liqada üz-üzə gəlməyiblər. Oyunu FİFA referisi Kamal Umudlu idarə edəcək.
Misli Premyer Liqası
16 avqust
I dövrə, 1-ci tur
“İmişli” – “Turan Tovuz”
Hakimlər: Kamal Umudlu, Namiq Hüseynov, Vüsal Məmmədov, Cavid Cəlilov
VAR hakimi: Tural Qurbanov
VAR hakiminin köməkçisi: Eyyub İbrahimov
Hakim-inspektor: Ramil Diniyev
AFFA nümayəndəsi: Eldəniz Musayev
Şamaxı. Şəhər stadionu. Saat 17:00.
XƏLİL İBADLI
Günün ilk oyunda "İmişli" Şamaxıda "Turan Tovuz"u qəbul edəcək. Əcnəbi mütəxəssislərin çalışdırdığı komandaların duelində favoriti Qərb təmsilçisidir. Ötən mövsüm Premyer Liqada 4-cü yerdə qərarlaşan “boz qurd” cari “futbol ili”ndə maksimum nəticə üçün mübarizə apacaq. Hər halda, klubun prezidentinin açıqlamasına inansaq, “Turan Tovuz” çempionluğa oynayır.
"İmişli" isə bu oyunda rəqibinə sürpriz yaşada bilər. “Pambıqçılar”ın hədəfi Premyer Liqada ilk “8-lik”də qərarlaşmaqdır. Bu səbəbdən də komanda çempionata marafona uğurlu başlamalıdır.
Heyət baxımından hansısa komandanı üstün görmək düzgün olmaz. Hər iki kollektiv yay "transfer pəncərəsi"ndə olduqca fəal oldular. Bölgə təmsilçilərinin heyətlərinə yaxşı oyunçular qatdılarını açıq-aşkar söyləyə bilərik.
Oyunun nəticəsinə məşqçi amili təsir edə bilər. “Turan Tovuz” çalışdırıcısı Kurban Berdiyev təcrübəli mütəxəssisdir. Məşqçi artıq ikinci mövsümdür ki, burada çalışır. “Baba” ləqəbli mütəxəssis klub rəhbərliyinin iddiasından xəbərdardır. Qərb təmsilçisi bu mövsüm avrokuboklara vəsiqə qazanmasa, türkmən məşqçi üçün işlər qaydasında getməyəcək.
“İmişli”nin çalışdırıcısı Jorj Kaskilya isə özünü isbat etmək istəyir. Portuqaliyalını indiki məqamda Berdiyevlə müqayisə etmək düzgün deyil. Məşqçi Premyer Liqada debüt matçında uğurlu nəticə əldə etməyə çalışacaq. Həm mediada, həm də ictimaiyyətdə Jorj Kaskilyanın təyinatına isti yanaşılmadı. Bir çoxları portuqaliyanın “İmişli”də uğursuz olacağını düşünür. Jorj Kasilkaya “Turan Tovuz”la oyunda bunun əksini sübut etməyə çalışacaq.
Maraq üçün bildirək ki, bu kollektivlər indiyə kimi Premyer Liqada üz-üzə gəlməyiblər. Oyunu FİFA referisi Kamal Umudlu idarə edəcək.
Misli Premyer Liqası
16 avqust
I dövrə, 1-ci tur
“İmişli” – “Turan Tovuz”
Hakimlər: Kamal Umudlu, Namiq Hüseynov, Vüsal Məmmədov, Cavid Cəlilov
VAR hakimi: Tural Qurbanov
VAR hakiminin köməkçisi: Eyyub İbrahimov
Hakim-inspektor: Ramil Diniyev
AFFA nümayəndəsi: Eldəniz Musayev
Şamaxı. Şəhər stadionu. Saat 17:00.
XƏLİL İBADLI
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.