Elmar Baxşıyev: "Məğlubiyyətlərdən nəticə çıxarsaq, gələcək üçün faydalı olacaq"

Xəbər verdiyimiz kimi, "Araz-Naxçıvan" UEFA Avropa Konfrans Liqasında "Omoniya"nın qonağı olub. İlk görüşdə 0:4 hesabı ilə məğlub olan təmsilçimiz cavab qarşılaşmasında da 0:5 hesablı məğlub olaraq turnirdə mübarizəni dayandırmalı olub.

Sport1.az xəbər verir ki, oyundan sonra keçirilən mətbuat konfransında "Araz-Naxçıvan"ın baş məşqçisi Elmar Baxşıyev bunları qeyd edib:

"Hər avrokubok mövsümü və oyunları iştirakçı komandalar üçün faydalıdır. “Araz-Naxçıvan” bu yarışda yeni komandadır. Əlbəttə, məğlubiyyətlərdən nəticə çıxarsaq, gələcək üçün faydalı olacaq. Hər iki oyunda yenildik. Rəqibi təbrik edirik. Təcrübəli, bizdən güclü kollektivdirlər. Layiqli qələbə qazandılar.

İkinci hissədə müdafiə xəttində müəyyən dəyişikliklər edildi. Ancaq hər iki oyundakı məğlubiyyəti İqor Ribeironun yoxluğu ilə bağlamazdım. Komanda şəklində daha çox səhvlər etdik. Qarşımızdakı rəqib də daha təcrübəli və iki oyuna görə daha keyfiyyətli idi. İqor artıq bizim oyunçu deyil, onunla bağlı hansısa düşüncəmiz, planımız yoxdur. Təlim-məşq toplanışında da bu sistemdən istifadə edirdik və hər iki sistemə öyrəşmişik. Daha çox komanda şəklində bərk olmalıyıq”.