Turnirlər / Manşet
09:50
5.08.2025
124
“Salonikidə meydan sahibi “Aris” yox, “Araz-Naxçıvan” idi” - AÇIQLAMA
Ötən həftə Konfrans Liqasında 3 klubumuzu cavab görüşlərini keçirdilər.
“Sabah” doğma divarlar arasında qələbə qazanmaqla, “Araz-Naxçıvan” səfərdə 2:2 heç-heçə etməklə mərhələ adladı. “Zirə” isə “Hayduk” səfərində məğlub olaraq avrokuboklarla vidalaşdı.
Komandalarımızın oyunlarını dəyərləndirməsi üçün Qəzənfər Abbasova müraciət etdik. Mütəxəssis Sport1.az-a mövzu ilə bağlı açıqlamasında bunları söylədi:
“Sabah” səfərdə qələbə qazanmaqla ikinci oyuna üstün çıxmışdı. Cavab görüşündə təmsilçimiz “Petrokub”la ilk matçına çıxırmış kimi döyüşməyə başladılar. Erkən qol olmasa da, ilk yarıda ardıcıl qollarla meydan sahibləri böyük üstünlük yaratdılar. Het-trik edən Mikelsin performansı yaxşı səviyyədədir. Masazırlılar müdafiədə maksimum boşluq verməməyə çalışdı. Moldova təmsilçisində isə əksinə, müdafiə xətdində ciddi boşluqlar vardı. Düzdür, “Sabah”ın avtoqolundan sonra “Petrokub” futbolçuları bir qədər ümidlənsələr də, meydan sahibləri müdafiədə səhvsiz oynadılar.
“Hayduk” – “Zirə” görüşünə gəlincə, təmsilçimizin çətin sınağa çıxacağı əvvəlcədən məlum idi. Split təmsilçisi 1-ci nömrə ilə çıxış edib, hesabı öz xeyrinə dəyişdirmək istəyirdi. Bunun nəticəsiydi ki, xorvatlar topa maksimum nəzarət etməyə başladı. Təşəbbüsü alan meydan sahibləri erkən qolu vurdular. İlk yarıda meydan sahibləri çox sıx oynayaraq “Zirə”yə boşluq vermədilər. Təmsilçimizin başlıca məqsədi müdafiədə maksimum diqqətli oynamaq olsa da, ilk yarıdakı buraxılan qolu çıxsaq, arxa xətt oyunçuları pis təsir bağışlamadılar. Fasilədən sonra “qartallar” daha çox topa nəzarət edir, qol axtarışında olurdular. Amma zirəlilərin futbolçusunun qırmızı vərəqə alması işlərini korladı. Belə olduqda onlar daha çox güc sərf etdilər. Buna rəğmən, oyuna əlavə olunan dəqiqələrdə Cibrilanın gözlənilməz və gözəl zərbəsiylə “status-kvo” bərpa olundu. Rəşad Sadıqovun komandası oyunu əlavə vaxta daşısa da, bu mərhələnin ilk dəqiqələrində xorvatlar cərimə zərbəsiylə ikinci qolu vurmaqla növbəti dəfə hesabda önə çıxdılar. Bundan sonra təmsilçimiz nə qədər çalışsa da, hesabı dəyişə bilmədilər. İstənilən halda “Zirə”nin yaxşı mübarizə apardığını düşünürəm. Onlara əhsən.
“Araz-Naxçıvan” ilk oyunda qalib gəlməklə Yunanıstana üstün yollansa da, naxçıvanlılar ilk 30 dəqiqədə yüksək performans sərgilədilər. Muxtar Respublika təmsilçisi həm erkən qollar vurdu, həm də rəqibə boşluqlar vermədi. Sanki, Saloniki də meydan sahibi “Aris” yox, “Araz-Naxçıvan” idi. Amma ikinci yarıda İqor Ribeyronun qırmızı vərəqə alaraq komandasını azlıqda qoyması naxçıvanlıların planlarını pozdu. Məhz bundan sonra “Aris” daha güclü təzyiq göstərərək iki qol vurdu. Amma Elmar Baxşıyevin komandası azlıqda oynamalarına baxmayaraq 3-cü qola imkan vermədilər və mərhələni adlayan tərəf oldular. Ümumi götürəndə hər 3 klubumuzun sərgilədikləri oyun, əzmkarlığa görə təşəkkür düşür”.
MİRZƏ S.
“Sabah” doğma divarlar arasında qələbə qazanmaqla, “Araz-Naxçıvan” səfərdə 2:2 heç-heçə etməklə mərhələ adladı. “Zirə” isə “Hayduk” səfərində məğlub olaraq avrokuboklarla vidalaşdı.
Komandalarımızın oyunlarını dəyərləndirməsi üçün Qəzənfər Abbasova müraciət etdik. Mütəxəssis Sport1.az-a mövzu ilə bağlı açıqlamasında bunları söylədi:
“Sabah” səfərdə qələbə qazanmaqla ikinci oyuna üstün çıxmışdı. Cavab görüşündə təmsilçimiz “Petrokub”la ilk matçına çıxırmış kimi döyüşməyə başladılar. Erkən qol olmasa da, ilk yarıda ardıcıl qollarla meydan sahibləri böyük üstünlük yaratdılar. Het-trik edən Mikelsin performansı yaxşı səviyyədədir. Masazırlılar müdafiədə maksimum boşluq verməməyə çalışdı. Moldova təmsilçisində isə əksinə, müdafiə xətdində ciddi boşluqlar vardı. Düzdür, “Sabah”ın avtoqolundan sonra “Petrokub” futbolçuları bir qədər ümidlənsələr də, meydan sahibləri müdafiədə səhvsiz oynadılar.
“Hayduk” – “Zirə” görüşünə gəlincə, təmsilçimizin çətin sınağa çıxacağı əvvəlcədən məlum idi. Split təmsilçisi 1-ci nömrə ilə çıxış edib, hesabı öz xeyrinə dəyişdirmək istəyirdi. Bunun nəticəsiydi ki, xorvatlar topa maksimum nəzarət etməyə başladı. Təşəbbüsü alan meydan sahibləri erkən qolu vurdular. İlk yarıda meydan sahibləri çox sıx oynayaraq “Zirə”yə boşluq vermədilər. Təmsilçimizin başlıca məqsədi müdafiədə maksimum diqqətli oynamaq olsa da, ilk yarıdakı buraxılan qolu çıxsaq, arxa xətt oyunçuları pis təsir bağışlamadılar. Fasilədən sonra “qartallar” daha çox topa nəzarət edir, qol axtarışında olurdular. Amma zirəlilərin futbolçusunun qırmızı vərəqə alması işlərini korladı. Belə olduqda onlar daha çox güc sərf etdilər. Buna rəğmən, oyuna əlavə olunan dəqiqələrdə Cibrilanın gözlənilməz və gözəl zərbəsiylə “status-kvo” bərpa olundu. Rəşad Sadıqovun komandası oyunu əlavə vaxta daşısa da, bu mərhələnin ilk dəqiqələrində xorvatlar cərimə zərbəsiylə ikinci qolu vurmaqla növbəti dəfə hesabda önə çıxdılar. Bundan sonra təmsilçimiz nə qədər çalışsa da, hesabı dəyişə bilmədilər. İstənilən halda “Zirə”nin yaxşı mübarizə apardığını düşünürəm. Onlara əhsən.
“Araz-Naxçıvan” ilk oyunda qalib gəlməklə Yunanıstana üstün yollansa da, naxçıvanlılar ilk 30 dəqiqədə yüksək performans sərgilədilər. Muxtar Respublika təmsilçisi həm erkən qollar vurdu, həm də rəqibə boşluqlar vermədi. Sanki, Saloniki də meydan sahibi “Aris” yox, “Araz-Naxçıvan” idi. Amma ikinci yarıda İqor Ribeyronun qırmızı vərəqə alaraq komandasını azlıqda qoyması naxçıvanlıların planlarını pozdu. Məhz bundan sonra “Aris” daha güclü təzyiq göstərərək iki qol vurdu. Amma Elmar Baxşıyevin komandası azlıqda oynamalarına baxmayaraq 3-cü qola imkan vermədilər və mərhələni adlayan tərəf oldular. Ümumi götürəndə hər 3 klubumuzun sərgilədikləri oyun, əzmkarlığa görə təşəkkür düşür”.
MİRZƏ S.
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.