“Qarabağ”ın futbolçusuna İtaliya və İspaniyadan təkliflər var - ÖZƏL

“Qarabağ”da daha bir ayrılıq yaşana bilər.

Ağdam təmsilçisinin əsas oyunçularından biri olan Mateuş Silva komandanı tərk edə bilər.

Sport1.az saytının əldə etdiyi məlumata görə, braziliyalı sağ cinah müdafiəçisinə İspaniya və İtaliyadan təkliflər var.

28 yaşlı futbolçu isə hazırda “köhlən atlar”da qalmağa üstünlük verir.

Xatırladaq ki, Silva qışda “Napoli” klubu tərəfindən yaxından izlənilirdi. Lakin iki klub arasında bu keçidlə bağlı rəsmi təmaslar qurulmadı.

Qeyd edək ki, “Qarabağ” Mateuş Silvanı 2023-cü ildə Bolqarıstanın “Lokomotiv Plovdiv” klubundan 280 min avro qarşılığında transfer edib. Onun Ağdam təmsilçisi ilə müqaviləsi 2027-ci ilin yayına qədər qüvvədədir.

MİRZƏ SAKİT