Argentinalı müdafiəçi “Beşiktaş”ın hədəfində

“Beşiktaş” müdafiə xəttini yeni oyunçu ilə gücləndirməyə hazırlaşır.

Sport1.az xəbər verir ki, “qara qartallar” “Bornmut”un argentinalı futbolçusu Markos Senesi ilə yaxından maraqlanır.

Bu barədə yerli mətbuat məlumat yayıb.

İddialara görə, İstanbul təmsilçisi müqaviləsi mövsümün sonunda başa çatacaq 28 yaşlı müdafiəçinin meneceri ilə artıq danışıqlara başlayıb.

Argentinalı oyunçu ilə “Tottenhem”, “Aston Villa”, “Yuventus” və “Borussiya Dortmund”un da maraqlandığı iddia olunur.

Qeyd edək ki, Mark Senesi bu mövsüm “Bornmut”un heyətində meydana çıxdığı 32 oyunda 4 məhsuldar ötürmə ilə yadda qalıb.