Qarabağ”dan sıçrayış, “Sabah”dan yüksəliş – yeni reytinq açıqlandı

Klubların dünya reytinqi yenilənib.

Sport1.az xəbər verir ki, Azərbaycan klublarının da siyahıdakı mövqeləri dəqiqləşib.

Ən yüksək pillədə qərarlaşan təmsilçimiz “Qarabağ” 17 pillə irəliləyərək hazırda 158-ci sırada yer alır. Misli Premyer Liqasının lideri “Sabah” da müsbət dinamika nümayiş etdirib – paytaxt klubu 19 pillə yüksələrək 314-cü olub.

Reytinqdə “Neftçi”, “Şamaxı” və “Kəpəz” də irəliləyənlər sırasındadır. Xüsusilə ilk iki komandanın böyük sıçrayışı diqqətdən yayınmır. Əksinə, “Zirə”, “Turan Tovuz”, “İmişli”, “Sumqayıt”, “Qəbələ” və “Karvan-Yevlax” geriləyib. “Araz-Naxçıvan” isə əvvəlki mövqeyini qoruyub saxlayıb.

Ümumilikdə 14 281 klubun yer aldığı siyahıya 100 əmsalla İngiltərənin “Arsenal” klubu başçılıq edir.

158 (17). “Qarabağ” – 81,2 xal

314 (19). “Sabah” – 78,3 xal

578 (-46). “Zirə” – 74,8 xal

645 (-15). “Turan Tovuz” – 73,9 xal

759 (58). “Neftçi” – 72,8 xal

986 (0). “Araz-Naxçıvan” – 71,0 xal

1285 (68). “Şamaxı” – 68,8 xal

1426 (-55). “İmişli” – 67,9 xal

1466 (-82). “Sumqayıt” – 67,7 xal

1683 (-96). “Qəbələ” – 66,5 xal

1923 (26). “Kəpəz” – 65,4 xal

2616 (-51). “Karvan-Yevlax” – 62,7 xal