"Qarabağ" bu futbolçuya 2 illik müqavilə təklif etdi - ÖZƏL

“Qarabağ” heyətini qorumaq istiqamətində növbəti addımını atıb.

Sport1.az-ın əldə etdiyi məlumata görə, Ağdam təmsilçisinin əsas oyunçularından olan Emanuel Addaiyə yeni müqavilə təklif olunub. Klub rəhbərliyi 2 illik yeni sözləşmə ilə bağlı futbolçunun agenti ilə danışıqları davam etdirir.

Tərəflər arasında müqavilənin detalları üzərində hələ tam razılıq əldə olunmayıb. Yekun qərarın yaxın vaxtlarda verilməsi gözlənilir.

Qeyd edək ki, Emanuel Addai “Qarabağ”a 2023-cü ildə qoşulub. Qanalının Ağdam təmsilçisi ilə bu mövsümün sonuna kimi müqaviləsi var. Vinger cari "futbol ili"ndə "köhlən atlar"ın heyətində 44 qarşılaşmada meydana çıxıb. O, bu görüşlərdə 6 qol vurub, 3 məhsuldar ötürmə edib.

MİRZƏ SAKİT