AFFA "İmişli", "Qəbələ" və "Neftçi"yə cəzalar "yağdırdı"

AFFA İntizam Komitəsinin iclası keçirilib.

Sport1.az xəbər verir ki, bu gün keçirilən iclasda aşağıdakı qərarlar qəbul edildi:

Misli Premyer Liqası XXIV tur

14 mart 2026-cı il tarixində Misli Premyer Liqasında XXIV turun “İmişli” – “Sabah” oyunu bitdikdən sonra meydançaya kənar şəxslər daxil olduğuna və bu hal cari mövsümdə 2-ci dəfə yaşandığına görə “İmişli” komandası 5000 manat cərimə edilsin (maddə 86.3);

15 mart 2026-cı il tarixində Misli Premyer Liqasında XXIV turun “Qəbələ” – “Neftçi” oyunu “Qəbələ” komandasının meydançaya gec çıxması səbəbindən gec başladığı üçün “Qəbələ” komandası 3000 manat cərimə edilsin (maddə 77.4);

15 mart 2026-cı il tarixində Misli Premyer Liqasında XXIV turun “Qəbələ” – “Neftçi” oyununda “Neftçi” komandasının azarkeşləri tərəfindən rəqib futbolçunun ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə 6-cı dəfə təkrarlandığına görə “Neftçi” komandası 8000 manat cərimə edilsin (maddə 52.5);

I Liqa XVIII tur

12 mart 2026-cı il tarixində I Liqada XVIII turun “Şahdağ Qusar” – MOİK oyununda “Şahdağ Qusar” komandasının 4 futbolçusu sarı vərəqə aldığı üçün “Şahdağ Qusar” komandası 210 manat cərimə edilsin (maddə 43.1);

12 mart 2026-cı il tarixində I Liqada XVIII turun “Şahdağ Qusar” – MOİK oyununun 82-ci dəqiqəsində “Şahdağ Qusar” komandasının 17 nömrəli futbolçusu Yelmar Aşurov ikinci sarıdan qırmızı vərəqə aldığı üçün 1 oyun oyuna buraxılmasın, “Şahdağ Qusar” komandası 150 manat cərimə edilsin (maddə 17.5, 17.7);

12 mart 2026-cı il tarixində I Liqada XVIII turun “Mingəçevir” – “Səbail” oyununda “Mingəçevir” komandasının azarkeşləri tərəfindən meydançaya kənar əşyalar atıldığına görə “Mingəçevir” komandası 600 manat cərimə edilsin (maddə 86.3);

12 mart 2026-cı il tarixində I Liqada XVIII turun “Mingəçevir” – “Səbail” oyununda “Mingəçevir” komandasının azarkeşləri tərəfindən pirotexniki vasitədən istifadə edildiyinə və bu hal cari mövsümdə 2-ci dəfə təkrarlandığına görə “Mingəçevir” komandası 1500 manat cərimə edilsin (maddə 86.3);

12 mart 2026-cı il tarixində I Liqada XVIII turun “Mingəçevir” – “Səbail” oyununda “Səbail” komandasında 6 nəfər sarı vərəqə aldığı üçün “Səbail” komandası 210 manat cərimə edilsin (maddə 43.1);

13 mart 2026-cı il tarixində I Liqada XVIII turun “Cəbrayıl” – “Zaqatala” oyununda “Cəbrayıl” komandasının 4 futbolçusu sarı vərəqə aldığı üçün “Cəbrayıl” komandası 210 manat cərimə edilsin (maddə 43.1);

Əvəzedicilər liqası XX tur

15 mart 2026-cı il tarixində Əvəzedicilər liqasında XX turun “Sabah-2” – “Şamaxı-2” oyununun 90+3-cü dəqiqəsində “Şamaxı-2” komandasının 80 nömrəli futbolçusu Həbib İsmayılov ikinci sarıdan qırmızı vərəqə aldığı üçün 1 oyun oyuna buraxılmasın, “Şamaxı-2” komandası 50 manat cərimə edilsin (maddə 17.5, 17.7).