Azərbaycan millisinin sabiq futbolçusu bıçaqlandı - ŞOK
Azərbaycan millisinin sabiq futbolçusu Cəmşid Məhərrəmov bıçaqlanıb.
Sport1.az-ın əldə etdiyi məlumata görə, hadisə martın 9-da Abşeron rayonu, Xırdalan şəhəri ərazisində baş verib.
Məlumata görə, keçmiş futbolçu naməlum şəxs və ya şəxslər tərəfindən bıçaqlı hücuma məruz qalıb. Nəticədə o, bədəninin müxtəlif nahiyələrindən 9 bıçaq xəsarəti alıb.
Yaralı dərhal xəstəxanaya çatdırılıb. Həkimlərin müdaxiləsindən sonra onun həyatını xilas etmək mümkün olub. Hazırda Cəmşid Məhərrəmov xəstəxanadan buraxılıb və ev şəraitində müalicəsini davam etdirir.
Qeyd edək ki, sabiq yarımmüdafiəçi vaxtilə Azərbaycan milli komandasının da formasını geyinib. O, karyerası ərzində MOİK, "Karvan", "Bakı", "Kəpəz", "Rəvan" və Türkiyənin "Adanaspor" klublarında çıxış edib.
