Mahir Emreli: "Qoldan sonra azarkeşlərdən çoxlu mesajlar aldım"
Mahir Emreli Almaniyanın "Kaiserslautern" klubunda ötün gün qol vurması barədə danışıb.
Sport1.az xəbər verir ki, 28 yaşlı forvard bu barədə "Treffpunkt Betze" nəşrinə açıqlama verib.
O, II Bundesliqanın 26-cı turunda "Karlsruher" ilə keçirilən oyunda vurduğu qolla bağlı fikirlərini bölüşüb:
“Azarkeşlərdən çoxlu mesajlar aldım. Onların mənə inandığını hiss etdim. Derbi matçlarının atmosferi digər oyunlardan tam fərqlənir. Baş məşqçi ilə münasibətlərim yaxşıdır. Zədələndiyim dövrdə bir müddət komandadan uzaq düşdüm. Daha çox oyun vaxtı qazanmaq üçün nə etməli olduğumu məşqçidən soruşdum. O isə məşqlərdəki performansımdan razı qaldığını dedi. Hətta cəmi beş dəqiqə meydanda olsam belə, var gücümlə oynayır və özümü göstərməyə çalışıram”.
Qeyd edək ki, qarşılaşmada "Kaiserslautern" 3:0 hesablı qələbə qazanıb. 83-cü dəqiqədə oyuna daxil olan Mahir Emreli 90+4-cü dəqiqədə komandasının üçüncü qolunun müəllifi olub.
