Valdas Dambrauskas: "Qubada oynamaq həqiqətən çətindir"

"Sabah" Misli Premyer Liqasının 24-cü turunda səfərdə "İmişli" üzərində 5:0 hesablı qələbə qazanıb.

Sport1.az xəbər verir ki, Masazır təmsilçisinin baş məşqçisi Valdas Dambrauskas matçdan sonra keçirilən mətbuat konfransında jurnalistlərin suallarını cavablandırıb:

Qələbə qazandığımız üçün çox sevinirəm. Bu meydançada oynamaq həqiqətən də çətindir. Demək olar ki, bütün komandalar burada problemlə üzləşirlər. 10-15 metr məsafədən ötürmə veriləndə top tez-tez sıçrayır. Qələbə münasibətilə "Sabah" ailəsinin hər bir üzvünü təbrik edirəm. Bu görüş artıq geridə qaldı, indi isə diqqətimizi qarşıdakı "Sumqayıt"la oyuna yönəldəcəyik.

"Sabah"ın bu qədər məhsuldar olmasının səbəbi nədir?

Bunun xüsusi bir sirri yoxdur. Sadəcə futbolçularımız verilən tapşırıqları düzgün şəkildə yerinə yetirirlər. Artıq komandanın öz üslubu və kimliyi formalaşıb. Oyunçular da bu sistemə getdikcə daha yaxşı uyğunlaşırlar. Üç gənc futbolçumuz – Xəyal Əliyev, Umarali Raxmonaliyev və Aron Maluda birlikdə 15 qol vurublar. Çempionatın bu mərhələsində hansısa futbolçunu ayrıca fərqləndirmək istəməzdim. Meydana çıxan hər kəs komandaya ciddi fayda verir. Kahim Parris bir müddət oynamamışdı, amma son iki oyunda 3 qol vurmağı bacardı. Cesse Sekidika isə zədədən sonra yenicə qayıdıb və oynadıqca formasını bərpa edir. Futbolçular məsuliyyəti öz üzərlərinə götürürlər. Biz də həm öz işimizə, həm də oyunçulara inanırıq. Onlar da bizə güvənirlər. Düşünürəm ki, komanda bundan da yaxşı nəticələr göstərə bilər. Çünki bunun üçün kifayət qədər potensial var. Əsas odur ki, çalışmaq və bu prosesə inanmaq lazımdır.