Millimizin üzvü oynadı, komandası qələbə qazandı

Azərbaycan millisinin üzvü Renat Dadaşov Polşa çempionatında növbəti oyununa çıxıb.

Sport1.az xəbər verir ki, onun formasını geyindiyi “Motor” 25-ci turda səfərdə “Termalika” ilə qarşılaşıb və 2:1 hesablı qələbə qazanıb. Oyunda hesabı 17-ci dəqiqədə meydan sahiblərindən Kristof Kubica açıb. Lakin qonaqlar 30-cu dəqiqədə Karol Çubakın penaltidən vurduğu qolla tarazlığı bərpa ediblər. Altı dəqiqə sonra – 36-cı dəqiqədə isə Bartosz Volski “Motor”u hesabda önə keçirib və bu qol matçın taleyini həll edib.

Renat Dadaşov görüşün 75-ci dəqiqəsində, komandası 2:1 hesabı ilə öndə olarkən Karol Çubakın əvəzinə meydana daxil olub.

Qeyd edək ki, son dörd turda üçüncü qələbəsini qazanan “Motor” turnir cədvəlində altıncı pilləyə yüksəlib. Renatın komandası lider “Zaqlebie”dən cəmi 7 xal geri qalır.