Millidə baş məşqçinin taleyi sual altına düşdü

Almaniya milli komandasının baş məşqçisi Yulian Naqelsmannın gələcəyi sual altına düşüb. Almaniya Futbol İttifaqı (DFB) artıq mütəxəssisin mümkün gedişi ilə bağlı hazırlıqlara başlayıb.

Sport1 xəbər verir ki, "Bild" nəşrinin yaydığı məlumata görə, DFB rəhbərliyi növbəti dünya çempionatından sonra mütəxəssisin yığmanı tərk edəcəyi təqdirdə namizədlərini müəyyənləşdirib. Siyahının ilk pilləsində isə əfsanəvi mütəxəssis Yurgen Klopp yer alır.

Qeyd edək ki, hazırda klub futbolundan uzaqlaşaraq istirahət edən təcrübəli mütəxəssis karyerası ərzində Almaniyanın "Mayns" və "Borussiya", həmçinin İngiltərə nəhəngi "Liverpul"u çalışdırıb. Əgər bu keçid baş tutarsa, bu, Kloppun milli komanda səviyyəsində ilk işi olacaq.