
“Yuventus”un yarımmüdafiəçisi Manuel Lokatelli klubla yeni müqavilə imzalamağa yaxındır.
Sport1.az-ın məlumatına görə, yeni sözləşmə 28 yaşlı futbolçunun Turində 2030-cu ilə qədər qalmasını nəzərdə tutur. Müqaviləyə əsasən, Lokatellinin illik maaşı 3,8–4 milyon avro civarında olacaq.
Premyer Liqanın bir neçə klubu onunla maraqlansa da, italiyalı yarımmüdafiəçi karyerasını “Yuventus”da davam etdirmək istəyir.
Lokatelli bu mövsüm 37 oyunda 3 qol və 2 məhsuldar ötürmə ilə yadda qalıb.